Мейірман Шекеев: Депутат болу, әл-Фарабидегі апат және Шавкат Pахмонов

Танымал заңгер Мейірман Шекеев Qazaq Ordasy YouTube арнасына берген сұхбатында әл-Фарабидегі жантүршігерлік жол апаты, Әділетхан Молдаханға тағайындалуы мүмкін жаза, полиция жалақысын көтеру керектігі, Шавкат Рахмоновтың ажырасуы және Шахановқа көше атауын күттірмей беру туралы айтты, деп хабарлайды Orda.kz.

Белгілі заңгер Мейірман Шекеев Orda.kz журналисіне берген сұхбатында  үш адам қайтыс болған резонансты жол-көлік оқиғасына қатысты сотта күдіктіге неліктен аса ауыр жаза бермейтінін айтты. Шекеевтің айтуынша, әл-Фарабидегі жол-көлік оқиғасындағы негізгі күдікті көлікке масаң күйде отырып үш адамның өліміне себепші болса да тағайындалар жаза заңда белгіленген баптан асып кете алмайды.

«Мен болжам бойынша іс қалай аяқталатын біліп отырмын заң тұрғысынан. Алайда ол үкім қоғамның көңілінен шықпайды. Себебі заң қисық, бұл баппен көп болса 7 жылдан 10 жылға дейінге жаза шығуы мүмкін. Оған қоса оқиғада үш адам қайтыс болғанымен бұл ауыр емес орта санаттағы істер. Масаң күйде рөлге отырған адамның өзін қылмыскер деп санаймыз, ал егер ол сол масаң күйде адам қақса ол толыққанды емес «абайсыз» қылмыскер болып қалады. Қалайша абайсыз ? Адам саналы түрде спирттік ішімдік ішіп рөлге отырады да артынша соның салдарынан үш адам қаза табады. Өйткені сот осы баппен заң шеңберінен шыға алмайды сол үшін заң қисық деп отырмын. Сондықтан алдын ала айтарым жаза көпшіліктің көңілінен шықпайды алайда ол заңды үкім болады», – деді заңгер.

Сұхбатта Мейірман Шекеев неліктен өзінің депутаттыққа барғысы келетінін айтып, олардың жалақысы жайлы да пікір білдіріді.

Сонымен қатар заңгер көше атауына Мұхтар Шахановтың есімін беру үшін неліктен заң бойынша бес жыл күтпей, қазірдің өзінде беру керектігін түсіндірді. Сұхбатта полиция  мен тергеушілердің жалақысын көтерудің маңызын айтты.

Сондай-ақ, Шекеев блогер әрі заңгер Әділетхан Молдаханның ісіне қатысты пікір білдірі. Qazaq Ordasy YouTube  арнасынада шыққан сұхбаттың толық нұсқасын мына сілтеме арқылы көре аласыздар. 

Оқи отырыңыз:

Жұмбақ өлім: «Баламды қасақана өлтірді» — Ерзаттың анасы

«5 минутта қарсылық жаз»: Заңгер Шекеев пен судья сотта дауласты

 Бес адам сотталған өлім ісі: Туыстары полиция әрекетіне күмән келтірді