Месси әлемдегі ең көп марапатталған ойыншы атанды

Лионель Месси басқаратын «Интер Майами» Лига кубогының финалында Нэшвиллді жеңді. 

Кездесудің негізгі уақыты 1:1 есебімен аяқталса, пенальти сериясын аргентиналық шабуылшының командасы– 10:9 есебімен жақсырақ орындады.

Бұл ретте Месси негізгі уақытта гол соқты. Бұл оның осы жазда қосылған Интер Майамидегі 10-шы голы болды. Осылайша Лео жаңа клубындағы алғашқы кубокты жеңіп алды. Дегенмен, «Интер Майами» үшін ол тарихта бірінші болды.

Жалпы, аргентиналық үшін бұл жүлде оның мансабындағы клубтық турнирлер мен ұлттық құрамалар деңгейіндегі 44-ші жүлде. Бұл көрсеткіш бойынша ол мансабын аяқтап үлгерген бразилиялық қорғаушы Дани Алвесті басып озып, бірінші орынға шықты.

Месси «Барселонада» 35, Аргентинада 5, «Пари Сен-Жерменде» 3 және енді «Интер Майамиде» 1 титулды жеңіп алды.