Месси Роналдудың соңынан кетуі мүмкін

Хорхе Мессидің әкесі мен агенті саудиялық клуб Аль-Хилалмен келіссөздер жүргізуде.

Аргентина құрамасы мен Пари Сен-Жермен құрамасының ойыншысы Лионель Месси саудиялық «Әл-Хилал» клубына ауысуы мүмкін, деп хабарлайды Daily Mail.

Басылымның мәліметінше, футболшы Хорхе Мессидің әкесі әрі агенті Сауд Арабиясының астанасы Эр-Риядта  маусымына шамамен 300 миллион еуро жалақы алатын келісім-шарт бойынша келіссөздер жүргізіп жатыр.

35 жастағы шабуылшы ПСЖ сапында 2021 жылдың тамызынан бері ойнап келеді. Ол Франция құрамасы сапында барлығы 54 матч өткізіп, 24 гол соғып, 29 нәтижелі пас берді. Мессидің ПСЖ-мен келісімшарты маусым айында аяқталады.

Лионель Месси – 2022 жылғы әлем чемпионы, Испания, Барселона және Аргентина чемпионаттары тарихындағы үздік шабуылшы. «Алтын доптың» жеті дүркін иегері, алты дүркін «Алтын бутсы». Барселона академиясының түлегі.

2021 жылдың тамыз айында Месси 17 жыл ойнаған испандық «Барселонадан» кетті. Клуб Испания чемпионатының қаржылық ережелеріне байланысты ойыншымен жаңа келісім-шартқа отыра алмады. Сол кезде ПСЖ Мессиге екі жылдық келісім-шарт ұсынды.