Қызылқұм шөлінде жаңа көл пайда болды

Өзбекстанның Бұхара облысындағы Газли қалашығының солтүстігінде соңғы жарты жылда жауын-шашын мөлшерінің қалыпты деңгейден үш есе көп түсуі нәтижесінде ірі су айдыны қалыптасты, деп хабарлайды  Orda.kz.       

Жаңа көл бұрын сусыз болған «Шөрбұлақ» аумағында пайда болған. Қазіргі таңда оның ауданы шамамен 80 шаршы шақырымға жеткен. Бұл көрсеткіш кейбір ірі су нысандарымен салыстырғанда да айтарлықтай үлкен.

Мамандардың айтуынша, көлдің пайда болуына тек мол жауын-шашын ғана емес, су шаруашылығы саласында жүргізілген жұмыстар да әсер еткен. Балық шаруашылығын дамыту мақсатында арнайы каналдар қазылып, маңайдағы жерасты сулары жаңа су айдынына бағытталған.

Көлге су жалпы ұзындығы 126 шақырым болатын коллекторлық канал арқылы келіп жатыр. Сарапшылар бұл құбылыс Қызылқұмдағы табиғи және гидротехникалық факторлардың қатар әсер етуінің нәтижесі екенін айтады.

Оқи отырыңыз:

• Президент елді «Айыппұлстан» деп атайтын депутаттарды сынады
• Мейірман Шекеев: Депутат болу, әл-Фарабидегі апат және Шавкат Pахмонов
• Димаш Құдайберген жаңа әлемдік концерттік турға шығады