Қырғызстанның бұрынғы депутаты Өмірбек Бәкіров Жоғарғы сотта ақталды

Бұрынғы депутат Өмірбек Бәкіров Жоғарғы сотта ақталды. Бұған дейін ол сайлаушылардың дауысын сатып алды деген айыппен күдікке ілінген болатын, деп хабарлайды Orda.kz.       

 2023 жылы Ноокат аудандық соты оны кінәлі деп танып, 200 мың сом көлемінде айыппұл салған еді.

Бакиров пен ҰҚМК басшысы Қамшыбек Тәшиев арасындағы жанжал 2022 жылдың қарашасында Жогорку Кенеште болған. Келесі күні-ақ Бәкіров жұмыс кабинетінен шығарылып, ал 2023 жылдың жазында депутаттық мандатынан айырылды.

Қырғызстанның Жоғарғы соты Жогорку Кеңештің бұрынғы депутаты Өмірбек Бәкіровке қатысты төменгі инстанциядағы екі соттың шешімін бұзып, оны толықтай ақтап шықты.

Еске салсақ, 2023 жылдың соңында Ноокат аудандық соты Бәкіровті 2021 жылғы парламент сайлауында «сайлаушылардың даусын сатып алды» деп айыптап, 200 мың сом айыппұл арқалатқан. Соның ізінше Орталық сайлау комиссиясы оны мерзімінен бұрын мандатынан айырған еді. Бұған сол округтен түскен басқа кандидаттың шағымы түрткі болған.

Бәкіровтің өзі басына түскен бұл қысымды Кемпірабад мәселесіндегі ұстанымымен байланыстырып келді. Ол 2022 жылы қырғыз-өзбек шекарасына қатысты келісімді талқылау кезінде Ұлттық қауіпсіздік мемлекеттік комитетінің басшысы Қамшыбек Тәшиевпен көпшілік алдында сөзге келіп қалған болатын.

Осы жанжалдан кейінгі қысым мен салдары туралы ол  журналист Семетей Аманбековке берген сұхбатында жан-жақты айтып берген. Сұхбат Exclusive KG YouTube-арнасында жарияланды.

Оқи отырыңыз:

• Қырғыз президенті БҰҰ Қауіпсіздік кеңесіндегі сайлау алдында әлем көшбасшыларына үндеу жасады
• Қамшыбек Тәшиев мемлекеттік төңкеріс жасамақшы болған: Экс-ҰҚК төрағасына ресми түрде айып тағылды
• Қамшыбек Тәшиев қырғыз халқынан кешірім сұрады