Қамшыбек Тәшиев мемлекеттік төңкеріс жасамақшы болған: Экс-ҰҚК төрағасына ресми түрде айып тағылды

Қырғызстанда бірден үш бұрынғы жоғары лауазымды шенеунікке мемлекеттік төңкеріс жасау әрекеті бойынша ресми түрде айып тағылды, деп хабарлайды Orda.kz 24.kg басылымына сілтеме жасап.

Олардың қатарында бұрынғы ҰҚК төрағасы Қамшыбек Тәшиев, экс-депутат Құрманқұл Зулушев және Жогорку Кеңештің бұрынғы төрағасы Нұрланбек Тұргынбекулу бар.

Күштік құрылымдардағы дереккөздердің айтуынша, күдіктілер ІІМ-нің Бас тергеу басқармасында жауап алынған.

Басылымның жазуынша, бұрынғы жоғары лауазымды шенеуніктерден жауап алу бірнеше сағатқа созылған, содан кейін олар ведомство ғимаратынан кеткен.

Әзірге тағылған айыптардың нақты мән-жайы мен тергеу барысы ресми түрде жарияланбады.

Еске сала кетейік, биыл ақпан айында Қамшыбек Тәшиев Қырғызстан ҰҚК төрағасы қызметінен босатылған болатын. Оның өзі бұл шешімді күтпегенін айтқан.

Ал ел президенті Қамшыбек Тәшиевтің мемлекеттік қызметке енді ешқашан оралмайтынын мәлімдеді.

Жақында Жогорку Кеңеш депутаты Эльвира Сурабалдиева сұхбатында Қамшыбек Тәшиевтің қызметтен мемлекеттік төңкеріс жасау әрекетін ұйымдастырғаны үшін босатылғанын айтқан.

Ал Садыр Жапаров Тәшиевпен дос болып қалатынын мәлімдеген еді.

Оқи отырыңыз:

• Қырғыз депутаты Қамшыбек Тәшиевтің мемлекеттік төңкеріс жасамақшы болғанын айтты
• Жемқорлыққа қатысы бар: Қамшыбек Тәшиевтің інісі ұсталды