Қырғыз президенті БҰҰ Қауіпсіздік кеңесіндегі сайлау алдында әлем көшбасшыларына үндеу жасады

Қырғызстан президенті Садыр Жапаров БҰҰ Қауіпсіздік Кеңесінің тұрақты емес мүшелерін сайлау қарсаңында әлем көшбасшыларына үндеу жасады, деп хабарлайды Orda.kz.        

Сайлау 2026 жылғы 3 маусымда Нью-Йорк қаласында өтеді. Ол мемлекет басшыларынан Қырғызстан кандидатурасын қолдауды сұрады.

Өз үндеуінде Жапаров қазіргі таңда әлемде шиеленіс күшейіп, соғыс жалғасып жатқанын атап өтті. Оның айтуынша, халықаралық жүйе елдердің неғұрлым әділ әрі тең өкілдігін қажет етеді.

«Мұндай жағдайда БҰҰ-ға мүше мемлекеттердің Қауіпсіздік Кеңесінде инклюзивті және әділ ұсынылуы, сондай-ақ оның бүкіл халықаралық қауымдастық атынан шешім қабылдайтын орган ретіндегі заңдылығын сақтау қабілеті алдыңғы қатарға шығады», – деді ол. 

Оның айтуынша, Қырғызстан осы уақытқа дейін БҰҰ Қауіпсіздік Кеңесі құрамына ешқашан мүше болмаған. Мұндай елдердің саны шамамен 60-қа жетеді. Ал Қырғызстанның бәсекелесі Филиппин бұл органға төрт рет мүше болған.

Жапаровтың пікірінше, Қырғызстанның сайлануы тарихи әділеттілікті қалпына келтіріп, шағын, дамушы және теңізге шығатын жолы жоқ елдердің жаһандық қауіпсіздік мәселелеріндегі дауысын күшейтер еді.

Сонымен қатар ол, егер Қырғызстан Қауіпсіздік Кеңесіне өтсе, ел «прагматикалық, саясаттан тыс және тұрақты шешімдерді қолдайтын тарап» ретінде әрекет ететінін атап өтті.

Еске сала кетейік, Қазақстан 2017–2018 жылдары БҰҰ Қауіпсіздік Кеңесінің тұрақты емес мүшесі болды. Осылайша, Қазақстан Орталық Азиядан осы маңызды органға сайланған алғашқы мемлекет атанған еді.

Оқи отырыңыз:

• Қырғызстан аузынан қағынып, опық жеген Екатерина Биволды қамауға ордер шығарды
• Қырғызстан мен Тәжікстан тарихи келісімге қол қойды
• Елімізде жусаннан болатын аллергияға қарсы дәрі жасалды