Қамшыбек Тәшиев қырғыз халқынан кешірім сұрады

Қырғызстан ҰҚК-нің бұрынғы басшысы Қамшыбек Тәшиев Айт намазына қатысып, ел азаматтарын Ораза айт мерекесімен құттықтап, артынша халқынан кешірім сұрады, деп хабарлайды Orda.kz.      

Оның үндеуі жарияланған видео әлеуметтік желілерде тарады.

«Егер мен қандай да бір қателік жасап, біреуді ренжітіп алсам, кешірім сұраймын. Қасиетті Ораза айында түрлі қауесеттер таратып, жала жапқандардың барлығын Алла разылығы үшін кешірдім. Келесіде олар мұндай әрекетке бармайды, шындыққа сәйкес келмейтін ақпарат таратпайды деп үміттенемін. Алла Тағала олардың жүрегіне иман берсін! Баршаңызды мерекемен құттықтаймын!», — деді Қамшыбек Тәшиев. 

Өз сөзінде ол қырғызстандықтарға әр отбасына бейбітшілік, амандық және береке тіледі, сондай-ақ бірлік пен өзара түсіністіктің маңызын атап өтті. Оның айтуынша, қасиетті ай күндерінде кешірім мен рухани тазарудың мәні ерекше.

Оқи отырыңыз:

• Қырғызстанға оралған Қамшыбек Тәшиев тергеліп жатыр — дереккөз
• Қырғызстанда Тәшиевтің ұлы полицияға жеткізілді
• Тоқаев «Қазатомөнеркәсіп» ҰАК» АҚ басқарма төрағасына халықаралық ынтымақтастықты кеңейтуді тапсырды