Қымбатшылық наразылығынан тұтанған Ирандағы «Қаңтар оқиғалары» қалай жалғасуда

Кеше Orda.kz қыста күшті көше наразылықтарына тап болған Иран Ислам Республикасындағы оқиғаларға егжей-тегжейлі  шолу жариялады: экономикалық дағдарыстан басталған наразылық тез ауқым алып, саяси сипатқа ие болды, бұл жалпы Ирандағы наразылық қозғалысына тән жағдай.

Десек те, қаза тапқандар саны 35-ке жетті. Жүздеген адам тұтқындалды, құқық қорғаушылардың жасөспірімдерді қоса алғанда, жай азаматтарға күш қолданбауы туралы сөз болды.

Мұның бәрі Ирандағы су дағдарысы мен Венесуэла төңірегіндегі оқиғалармен тұспа-тұс келіп отыр.

Жақында немістің Bild газеті журналистер бөліскен бейнені жариялады. Абданан қаласының полицейлері үйлердің төбесіне шығып алып наразылыққа шыққан жұртты қолдап, қол шапалақтап, оларға қол бұлғап жатыр. Басылымның пайымдауынша, бұл кадрлар режимнің тұрақсыздығын көрсетеді, тіпті күш құрылымдары да демонстранттар жағына ауыса бастады.

Елдің түрлі өңірлерінде бастарын бәйгеге тіккен он мыңдаған адам «Диктаторға өлім» деп дауыстап айқайлап жүр.

Журналист, ирантанушы және жазушы Никита Смагин күш құрылымдарының саяси және экономикалық жағдайға наразы халық жағына өтуі мүмкін деген пікірін абайлап болса да айтып қалды. Ол былай дейді:

«ИРСК [Ислам революциясының сақшылар корпусы] әрдайым басымдықпен қаржыландырылады. Олардың жақсы зейнетақысын айтпағанның өзінде, жеңілдіктері көп. Бір нәрсені түсіну керек: ИРСК мен армия - әскерге шақырылушылар, оларды наразылықтарды басуға тартпайды. Бірақ арнайы дайындалған адамдарды жинайтын арнайы бөлімшелер бар. Оларды белгілі бір отбасынан, [режимге] адал адамдардан алады. Дегенмен олардың халыққа оқ атуды тоқтату мүмкіндігі өте аз. Егер қазіргі күштік құрылымнығ  шамасы келмесе ғана  мәселе туындайды».  

Өз арнасында Иранда ұзақ өмір сүріп, жұмыс істеген Смагин де Абдананнан (Илам провинциясы) келген суреттерімен бөлісті. Ол Би-Би-Си ролигін көрсетті, онда адамдар бағаның қымбаттауына наразылық ретінде күріш шашып жүр.

 Ал Fox News хабарлағандай, наразылықтар Абданан мен Малекшахидті бақылауға алды.

Тақырыпқа сай ұсынамыз: 

• Ирандағы наразылық тәртіпсіздік пен қақтығысқа ұласты 
• АҚШ-пен ғана мұнай серіктестігі: Трамп Венесуэладан Қытай мен Ресейді құралақан қалдыруды талап етті
• Иран Израильге зымырандар мен ұшқышсыз ұшақтар қолданып шабуыл жасады
• Иран АҚШ базаларына шабуыл жасамақшы: Израильге шабуыл жалғасады
• Соғыс заңы: Иран Израиль тыңшысы деп танылған бес адамды дарға асты