Иран АҚШ базаларына шабуыл жасамақшы: Израильге шабуыл жалғасады

Иран Құрама Штаттарды, Ұлыбритания мен Францияны Тегеранның Израильге шабуылына тосқауыл қоюға тырысатын болса, өңірдегі әскери базалары мен кемелеріне соғылуы мүмкін соққылар туралы ескертеді, деп хабарлайды Orda.kz Reuters агенттігіне сілтеме жасап.   

Мәлімдеме Иран-Израиль қақтығысы шиеленіскен кезде жасалды. Иран Fars агенттігінің мәліметінше, 14 маусымға қараған түні Иран «Нағыз уәде-3» операциясын жалғастырып, Израильдің әскери орталықтарына, авиабазаларына және әскери-өнеркәсіптік нысандарына шабуыл жасады. Ислам революциясы сақшылары корпусының қолбасшысы генерал Ахмад Вахидидің мәлімдеуінше, F-35, F-16 және F-15 жойғыштары тұрған базаларды қоса алғанда, барлығы 150-ден астам нысана атылды. 

13 маусымға қараған түні Израиль «Көтеріліс арыстаны» әскери операциясын бастағаннан кейін Тегеран ядролық қару жасауға жақындап қалды деп жауап қайтарды. Шабуыл нәтижесінде Иранның ядролық және әскери инфрақұрылым нысандары, сондай-ақ жоғары дәрежелі ирандық әскери және ғалымдар орналасқан ғимараттар зақымдалды.

Иран әскерилері қақтығыс «өткен түннің әрекеттерімен аяқталмайды», ал соққылар «агрессорлар үшін өте ауыр әрі қатерлі» болады деп мәлімдеді. Оның үстіне, Тегеран ресми түрде АҚШ пен оның одақтастары араласқан жағдайда, соққылар олардың өңірдегі базаларына да кеңейтілетінін ескертеді.

Fars мәліметінше, Иран Таяу Шығыстағы АҚШ-тың әскери нысандарына таяу күндері соққы беру мүмкіндігін қарастырып жатыр. Бұған дейін жауап соққыға негізделген қарсы операция аясында Израиль аумағына кемінде 100 зымыран атылған болатын.

Бұған дейін Израильдің Қорғаныс армиясы (ЦАХАЛ) 200-ден астам ұшақ пен 330-дан астам оқ-дәрілерді қолданып, Ирандағы 100-ден астам нысанға, соның ішінде ядролық нысандарға соққы бергенін мәлімдеді.

Ал Иран болса Израильдің шабуылынан кейін АҚШ-пен ядролық бағдарлама тұрғысындағы келіссөздердің «мәні жоқ» екенін айтты.