Ирандағы наразылық тәртіпсіздік пен қақтығысқа ұласты 

Ирандағы экономикалық жағдай салдарынан басталған наразылықтар елдің солтүстік-шығысында тәртіпсіздіктер мен қақтығысқа ұласа бастады, деп хабарлайды Orda.kz.

Бұл туралы ирандық Tasnim агенттігі өз ақпаратында жариялады.

«Жұма күні кешке бірқатар Иран азаматтарының жергілікті наразылық акциясы риал бағамының ауытқуына байланысты Боджнурд қаласында (Иранның солтүстік-шығысындағы Солтүстік Хорасан провинциясы) өтті. Бірқатар аудандарда экономикалық талап қоюдан басталған наразылықтың соңы қуғын-сүргінге ауысты» деп жазады басылым.  

Тәртіпсіздікке қатысушылардың саны 100-ден аспаса да олар жол жиектерін жауып, көлік қозғалысын бұзған. Таснимнің мәліметінше, қарулы содырлар ел батысындағы Эйлам провинциясындағы Сербала қаласында да көшеге шыққан. Агенттік жариялаған кадрларда «Хаменей өлсін!» деген ұранмен автоматтан оқ ату бейнеленген.

Өз кезегінде, ирандық Fars агенттігі жұма күні таңертеңнен бастап бейбіт акциялар саны қысқарып, наразылықтар айқын саяси сипатқа көшкенін атап өтті. Наразылыққа шыққандар полициямен қақтығысқа түсіп, үкіметке қарсы, монархияға қарсы ұрандарды жиі айқайлай бастады.

Агенттіктің жазуынша, толқуларды әкімшілік және қоғамдық ғимараттарға, соның ішінде мешіттерге шабуыл жасайтын суық немесе атыс қаруымен немесе молотов коктейлімен қаруланған адамдардың шағын топтары ұйымдастырған.

«Осындай оқиғалар елдің солтүстігінде, Иран астанасы Тегеранда, сондай-ақ Кереджде тіркелді, онда наразылыққа шыққандар Иран туын өртеп, «Диктаторға өлім!» деп ұрандатып, өтіп бара жатқандарды тас атты» деп жазады Fars басылымы. 

Еске салсақ, желтоқсанның соңында Иранда жергілікті валютаның құнсыздануына байланысты наразылық басталды. Бұған айырбас бағамының күрт ауытқуы және олардың көтерме және бөлшек сауда бағаларына әсері басты себеп болды. Әлеуметтік желілерде Тегеран мен басқа да қалалардағы наразылардың бейнелері тарап жатыр. 

АҚШ пен батыс елдерінің Тегеранның ядролық бағдарламасына қатысты салған санкцияларының кесірі қара халыққа тиіп жатыр. 

Осыдан кейін Иран Орталық банкінің басшысы Мохаммад Фарзин отставкаға кетті. Президенттің 31 желтоқсандағы жарлығымен ол қызметке Абдольнасер Хеммати тағайындалды.

Иран инфляцияның жоғары деңгейін бастан кешіруде. Риал әлсіреп барады: мысалы, соңғы бірнеше айда ол долларға қатысты антирекордты бірнеше рет жаңартты. АҚШ ядролық мәміледен шыққанға дейін 2018 жылғы мамырда доллардың бейресми құны шамамен 50 мың риал болып кетті. Қазір доллар еркін нарықта 1,4 миллион риал тұрады.

Біз бұған дейін  БҰҰ 28 қыркүйектен бастап Тегеранға қарсы санкцияларды ядролық бағдарламаға байланысты қайта енгізеті туралы жазғанбыз. Қару-жарақ жеткізуге тыйым салынады және үкімет мүшелерінің активтері бұғатталады. Бұл шешім Ресейдің Иранның оңтүстігінде төрт атом электр блогын салу туралы 25 миллиард долларлық келісімге қол қоюымен тұспа-тұс келіп отыр.

АҚШ президенті Дональд Трамп Ирандағы наразылыққа қатысты мәлімдеме жасады. Ол егер Иран билігі бейбіт демонстранттарға оқ атуға бұйрық беретін болса, АҚШ оларға көмекке келеді деді. Трамп бұл жөнінде өзінің X әлеуметтік желісінде жазды.