Құрбан айт намазының уақыты жарияланды

Қазақстан мұсылмандары діни басқармасы Құрбан айт мерекесіне арналған айт намазы кестесін жариялады, деп хабарлайды Orda.kz.

Биыл Құрбан айттың бірінші күні 27 мамырға сәйкес келіп отыр.  Мұсылмандар үшін қасиетті саналатын  руханият пен мейірімділікке шақыратын меркеге дайындық қашнан да ерекше болған. 

Сонымен құрбан айт намазына бекітілген уақыттар: Астана, Алматы және Шымкент қалаларында айт намазы таңғы 06:00-де басталады. 

Сонымен қатар, 06:00-де намаз келесі өңірлерде де оқылады:

•  Ақмола облысы
• Алматы облысы
• Шығыс Қазақстан облысы
• Жамбыл облысы
• Қарағанды облысы
• Қызылорда облысы
•  Қостанай облысы
• Солтүстік Қазақстан облысы
• Түркістан облысы
• Абай, Жетісу және Ұлытау облыстары

 Ал Ақтөбе, Атырау, Маңғыстау және Батыс Қазақстан облыстарында айт намазы 06:30-да басталады.

Құрбан айт 27 мамыр басталғанымен 26 мамыр  Арафа күні жұртшылық құрбандыққа ниет етіп, иіс шығарып дайындалады. Сондай-ақ, 26 мамырда ұстаған бір күндік оразаның сауабы таудай болады. 

Сонымен қатар, Бас мүфти кәсіпкерлерді Құрбан айт алдында мал бағасын көтермеуге шақырды. Наурызбай қажы Тағанұлы кәсіпкерлерді Құрбан айт қарсаңында мал бағасын жасанды түрде өсірмеуге үндеді. Астанада өткен баспасөз мәслихатында ол мерекенің тек діни емес, бірлік пен мейірімділіктің белгісі екенін айтып, бизнес өкілдерін халықтың әлеуметтік жағдайын ескеріп, мал мен азық-түлік бағасына жеңілдік жасауға шақырды. 

Оқи отырыңыз:

• Құрбандыққа мал таңдау: Онлайн құрбандық қалай шаламыз?
• «Құралайдың салқыны»: Мамыр айында күн суыта ма?
• Қыз үндемесе — келіскені: Талибан балалар некесіне жол ашты

.