Қыз үндемесе — келіскені: Талибан балалар некесіне жол ашты

Енді Талибан үкіметі қыздардың үнсіздігін некеге келісім деп танып, кәмелетке толмағандардың некесіне жол ашпақшы, деп хабарлайды Orda.kz.

Жаңа заңға сәйкес, егер қыз бала некеге қарсы екенін ашық түрде айтпаса, бұл оның некеге келісімі ретінде қабылданады екен. Сонымен қатар, бұрын некеде болған ерлер мен әйелдердің үнсіздігі келісім болып саналмайды.

Бұдан бөлек, енді әкелер мен аталар кәмелетке толмаған қыздардың некесін өз бетінше ұйымдастыру құқығына ие болды. Ал қыз кейін кәмелет жасына жеткеннен кейін ажырасуға әрекет жасай алады, алайда бұл мәселе тек Талибан соты арқылы қаралады екен. 

Ауғанстан елінде шамамен әрбір үшінші қыз 18 жасқа толмай тұрмысқа шығады. Сарапшылар жаңа заң бұл көрсеткішті одан әрі ушықтыруы мүмкін екенін айтады.

Оқи отырыңыз:

• Қатаң жазаға дайынмын: Сұлтан Сәрсемалиев сотта қылмысын мойындады
• Атырауда қайын жұртын қырып тастаған Сұлтан Сәрсемалиевке қатысты сот процесі басталды
• «Әке, байқашы…»: Алматы-Жаркент тас жолында 13 жастағы баланы мерт қылған жүргізуші бостандықта жүр