Студентті пышақтап өлтірген 14 жастағы жасөспірім 8 жылға сотталды

Есік қаласында 17 жастағы жігіті екі жерінен пышақтап өлтірген 14 жастағы бала 8 жылға сотталды, деп хабарлайды Orda.kz.

Бұған дейін сайтымызда осы оқиғаға қатысты толыққанды материал шықты. Жәбірленушінің туыстары бізге берген сұхбатында 17 жастағы баласын көшенің қақ ортасында екі жерінен пышақтап әрі басынан соққы жасап өлтірген бір үйдің ағайынды 14-17 жастағы балалары екенін айтқан еді. Алайда олар екі істі екі бөлек қарап жатқанына наразы болған. 

Кеше осы іс бойынша марқұмды екі жерінен пышақтаған негізігі күдікті 14 жастағы балаға қатысты Алматы облысының кәмелетке толмағандар істері жөніндегі мамандандырылған сотында үкім шығып, жасөпірім 8 жылға сотталды. Жасөспірім  «адам өлтіру» бабы бойынша қамалды.

«Үкім бойынша 2 млн материалдық шығын, яғни баланың жерлеуіне кеткен шығындар өтелді. Сонымен қатар, өкілдік шығын ретінде 1 млн және  моралдық шығын ретінде 10 млн арыз-талап қанағаттандырылды. Сот барысында қорғау тарабының адвокаты бала қылмысты аффект күйінде болды деп басқа бапқа ауыстырғысы келді» ,—дейді адвокат Мейірман Шекеев.

Еске сала кетейік, қайғылы оқиға 2026 жылдың 1 қаңтарында Алмалы ауылында болды. Тергеу дерегінше, 17 жастағы Жангелді Мұратты екі ағайынды жасөспірім 14 және 17 жастағы балалар жарақаттаған. Кіші жасөспірім пышақ қолданған, ал үлкені жәбірленушіні ұрып-соққан. Жарақат алған бала ауруханаға бара жатқан жолда көз жұмған. Марқұмның туыстарының айтуынша, жанжал қыз баланы шығарып салу мәселесінен басталып, кейін төбелеске ұласқан. 

Ал 17 жастағы ағасына «ұрып-соғу» бабы бойынша іс тіркелді, оның да соты жақында болады.

Оқи отырыңыз:

Адамның есін шығаратын оқиға: Есік қаласында 17 жастағы жасөспірім пышақталды

Қарағандыда пышақ ұстаған жасөспірім 8 жастағы баланың соңынан аңдыған

Қыз үндемесе — келіскені: Талибан балалар некесіне жол ашты