«Қазақмысқа» жұмысқа тұрамын деп 16 млн теңгеге алданды

Ұлытау облысында адамдар «Қазақмыс» корпорациясына жұмысқа орналастырып береміз деген уәдеге сеніп, алаяқтарға 16 миллион теңге берген, деп хабарлайды  Orda.kz өңірлік полиция департаментіне сілтеп.

«Полиция азаматтарға «Қазақмыс» корпорациясына жұмысқа орналастыруды уәде еткен тұлғаларға қатысты тоғыз қылмыстық істі тергеп жатыр. Оның алтауы сотқа жолданды. Тергеу барысында күдіктілер азаматтардың сеніміне кіріп, 16 миллион теңгеден астам ақшаны иемденгені анықталды. Қаскөйлер алдын ала ақша алып, жұмысқа тұрғызамыз деп уәде берген, алайда уәделерін орындамаған» деп жазылған хабарламада. 

Ұлытау облысы полиция департаменті азаматтарды сақ болуға шақырады. Кез келген ұйымға жұмысқа қабылдау тек ресми тәртіппен, кадр қызметтері арқылы жүзеге асырылады. Алаяқтық фактілері анықталған жағдайда дереу полицияға жүгіну қажет.

Оқи отырыңыз:

• 2025 жылы Қазақстанда 8,7 мыңнан астам еңбек құқығы бұзылды
• Бірнеше жерде жұмыс істеуге тыйым салына ма? Еңбек министрлігі жауап берді
• Еңбек шартын дұрыс жасамаған жұмыс берушілерге айыппұл салынады
• 11 мың қазақстандық Оңтүстік Кореяда заңсыз еңбек етіп жүр