2025 жылы Қазақстанда 8,7 мыңнан астам еңбек құқығы бұзылды

2025 жылы Қазақстанда мемлекеттік еңбек инспекторлары еңбек құқықтарының 8,7 мыңнан астам бұзушылығын анықтады. Бұл туралы Orda.kz  еңбек және халықты әлеуметтік қорғау министрлігінің баспасөз қызметіне сілтеме жасап хабарлайды.

Олар 51 мың қызметкердің құқықтарына әсер етті. 

«2025 жылы республиканың 629 кәсіпорнында мемлекеттік еңбек инспекторлары 11,9 мыңнан астам қызметкер алдындағы жалақы бойынша берешектің бар екенін анықтады. Қарыздың жалпы сомасы 3,1 млрд теңгеден асты. Сонымен қатар, әртүрлі ұйымдарда жүргізілген тексерулер барысында еңбек құқықтарының 8,7 мыңнан астам бұзушылығы тіркелді»,  деп мәлімдеді министрлік. 

Ведомствоның мәліметінше, жалақы бойынша берешек пен еңбек құқықтарының бұзылуы анықталған кәсіпорын басшыларына орындалуы міндетті 4 245 нұсқама беріліп, жалпы сомасы 524,3 млн теңгеден асатын айыппұл салынған.

Қабылданған шаралардың, соның ішінде жалақы қарызын өтеудің қатаң кестелері мен нақты мерзімдерін белгілеудің нәтижесінде 11,8 мың қызметкердің құқықтары қорғалды. Оларға 2,85 млрд теңге төленді.

«Қазақстан Республикасы еңбек және халықты әлеуметтік қорғау министрлігінің ерекше бақылауында еңбек заңнамасының сақталуына мемлекеттік бақылауды қамтамасыз ету мәселелері тұр. 2025 жылы мемлекеттік еңбек инспекторлары 6 599 тексеру жүргізіп, оның барысында 8 720 бұзушылық анықталды. Оның ішінде: еңбек саласында — 7 089, еңбек қауіпсіздігі мен еңбекті қорғау бойынша — 1 585, халықты жұмыспен қамту саласында — 46. Қабылданған шаралардың нәтижесінде 51 мың қызметкердің еңбек құқықтары қорғалды»,  деп қорытындылады министрлік. 

Бұған дейін Еңбек және халықты әлеуметтік қорғау министрі Светлана Жақыпова мемлекеттік еңбек инспекциясын салалық ведомствоның қарамағына қайтару жоспарланып отырғанын хабарлаған болатын.

«Қазіргі уақытта біз мемлекеттік инспекторлар үшін мобильді қосымша әзірлеп жатырмыз. Мемлекеттік еңбек инспекциясы 2015 жылдары жергілікті атқарушы органдарға берілген еді, соның салдарынан жүйеде үзіліс пайда болды. Біз заңнамаға түзетулер енгізуді бастамалап, мемлекеттік еңбек инспекциясын қайтадан тік басқару жүйесіне қайтаруды ұсынып отырмыз. Бұл — халықаралық еңбек ұйымының ұсынымы. Премьер-министр бұл ұсынысты қолдады. Енді президент ікімшілігінің келісімін күтіп отырмыз. Одан кейін заң жобасын мәжіліске енгізуге дайынбыз», — деп түсіндірді министр. 

Еске салсақ, былтыр біз Алматы қаласының Д.Бабаев атындағы №115 жалпы білім беретін мектебінің білікті ұстазы Мейрамгүл Барқазатқызы білім жүйесіндегі былықтарды БАҚ пен әлеуметтік желіде ашық айтқаны үшін, осы білім ордасына 25 жыл еңбек сіңіргеніне қарамастан, жұмыстан шығарылғанын жазған едік.

Оқи отырыңыз:

• Тоқаев банктер туралы жаңа заңға қол қойды: қандай өзгеріс болады
• Financial Times 2026 жылғы негізгі әлемдік оқиғаларға болжам жасады
• Трамптың арнайы өкілі Иранмен қақтығысты реттеудің төрт шартын атады