Катарда зауытта жарылыс болып, 50-ден астам адам зардап шегіп, 18 жұмысшы жоғалып кеткен

Катардың өнеркәсіптік аймағындағы зауыттардың бірінде күшті жарылыс болды. Оқиға салдарынан зардап шеккендер бар, сондай-ақ із-түзсіз жоғалғандар туралы да ақпарат тарап жатыр, деп хабарлайды Orda.kz.       

Елдің Ішкі істер министрлігі Х әлеуметтік желісінде мәлімдегендей, оқиға Доха қаласына жақын орналасқан Рас-Лаффан өнеркәсіптік аймағындағы зауыттардың бірінде болған.

Алдын ала болжам бойынша, жарылыс жұмыс жүргізу кезінде техникалық ақау салдарынан туындаған.

Қазіргі уақытта тиісті органдар оқиға салдарын жою жұмыстарын жалғастыруда. Адамдардың қауіпсіздігіне қатер төндіретін қандай да бір улы заттардың таралуы тіркелмеген.

Ведомствоның мәліметінше, осы уақытқа дейін кемінде 54 адамның зардап шеккені белгілі. Сонымен қатар 18 адам із-түзсіз жоғалғандар қатарында. Құтқару қызметтері іздестіру жұмыстарын жүргізіп жатыр.

Оқи отырыңыз:

• Берлин жұрты Шпрее өзенінде шомылуға салынған 101 жылдық тыйымға қарсы шықты
• Қылмыстық жауапкершілік 12 жастан: Еуроодақ елдерінде жасөспірімдерге жаза қатаймақ
• Астана маңындағы жол апатынан екі жол талғамайтын көлік өртеніп, бес адам қаза тапты