Қашқадариядағы газ құю бекетіндегі жарылыс болып, алты адам тірідей жанып кетті

8 маусым күні Қашқадария облысы-нда сұйытылған газбен тұрмыстық баллондарды толтыру пунктінде жарылыс болды, деп хабарлайды Orda.kz.        

Елдің Төтенше жағдайлар министрлігінің мәліметінше, 6 адам қаза тауып, тағы 5 зардап шеккен адам түрлі жарақатпен ауруханаға жеткізілді. Оқиға себептерін анықтау үшін үкіметтік комиссия құрылды.

Министрліктің баспасөз қызметі хабарлағандай, жарылыс Қашқадария облысының Қаршы ауданы аумағындағы «Чаман» махалласында болған. Оқиға туралы хабар 13:50-де түскен. Оқиға орнына бес құтқару жасағы жіберіліп, олар 14:02-де жеткен. Өрт 14:05-те оқшауланғанымен, толықтай тек 14:55-те сөндірілген.

Алдын ала мәлімет бойынша, өрт салдарынан төрт көлік — екі Cobalt және газ тасымалдайтын екі автокөлік, сондай-ақ жанармай сақтайтын екі жерасты резервуары зақымданған.

Шавкат Мирзиёевтің тапсырмасымен вице-премьер Ачилбай Раматов жетекшілік ететін үкіметтік комиссия құрылды.

Комиссия зардап шеккендерге көмек көрсету, жарылыстың салдарын жою, оқиғаның себептерін анықтау және мұндай жағдайлардың алдын алу жұмыстарымен айналысады.

Оқи отырыңыз:

• Еліміздегі «Aманат» пен «Әділет» партиялары біріге ме?
• Алматыда гимназияның үздік оқушысы соңғы қоңырау алдында өзіне қол жұмсады
• Кәмелет жасына толмаған есірткі таратушы төрт жарым жылға сотталды