Кәмелет жасына толмаған есірткі таратушы төрт жарым жылға сотталды

Қарағанда облысында кәмелетке толмаған жасөспірім есірткінің заңсыз айналымына қатысқаны үшін төрт жыл бес айға бас бостандығынан айырылды, деп хабарлайды Orda.kz Ішкі істер министрлігінің баспасөз қызметіне сілтеп.

«Сот отырысы барысында жиналған барлық дәлелдер зерттеліп, куәгерлердің айғақтары мен сарапшылардың қорытындылары талданды. Сот істің барлық мән-жайларын, сондай-ақ айыпталушының жеке басын сипаттайтын деректерді ескере отырып, оны тағылған қылмыс бойынша кінәлі деп таныды. Нәтижесінде жасөспірімге төрт жыл бес ай мерзімге бас бостандығынан айыру жазасы тағайындалды. Үкім заңды күшіне енді» деп жазылған хабарламада. 

ҚР ІІМ мәліметінше, оқиға өткен жылдың қазан айында Пархоменко атындағы зауыт ауданында болған. Жасөспірімді тыйым салынған заттарды жасырып жүрген жерінен полиция қызметкерлері ұстаған.

Хабарланғандай, кәмелетке баладан синтетикалық есірткі салынған 40 орам табылған. Тәркіленген заттың жалпы салмағы шамамен 17,6 грамм.

Полиция бұл дерек бойынша аса ірі мөлшерде өткізу мақсатында есірткі заттарын заңсыз сақтау бабымен қылмыстық іс қозғалғанын атап өтті.

Тергеу барысында жасөспірім үйқамақта болған.

Оқи отырыңыз:

• Оңай табыс іздеген жастарымыз есірткі таратушыға айналып барады
• Астанада екі пәтерді жалға алып есірткі дайындаған адам ұсталды
• Семейде гараждан 150 келіден астам марихуана тәркіленді