Қамза экстрадицияланғаннан кейін Өзбекстандық блогер Хикматов халықаралық іздеуге жарияланды

Махмуд Хикматов (Маха.dxb) арқылы 35-тен астам блогер өткен. Олардың арасында жақында Вьетнамнан экстрадицияланған Қайсар Камза да бар. Қамза туралы бұған дейін жазғанбыз, деп хабарлайды Orda.kz.

Қаржылық мониторинг агенттігі әлеуметтік желілерде Маха.dxb деген лақап атпен танымал Өзбекстан азаматы Махмуд Хикматовты халықаралық іздеуге жариялады. Сот оның қамауға алынуына санкция берді. Блогердің қайда жүргені туралы ақпарат берген адамға ҚМА сыйақы беруге уәде етіп, ақпарат берушінің анонимдігіне кепілдік берді.

Тергеу нұсқасы бойынша, Қазақстанда Sultan Games, PINCO, Nomadcasino, Pin-Up, Vavada және басқа да заңсыз онлайн-казиноларды жарнамалау бойынша тұрақты схема жұмыс істеген. Ұйымдастырушылар ақшаны эквайринг, мобильді коммерция және криптовалюта арқылы қабылдап, төлеп отырған.

Хикматовқа бұл схемада нақты рөл берілген. Тергеу мәліметінше, ол казино жарнамасын орналастыру үшін қазақстандық инфлюенсерлерді іздеген. Блогер бұл жұмысты жүйелі түрде жүргізген.

«Хикматов блогерлерден олардың әлеуметтік желілеріндегі статистиканы (жазылушылардың демографиялық және географиялық көрсеткіштері, аудиторияны қамту көрсеткіштері) сұратқан. Осы мәліметтер негізінде жарнамалық қызметтердің құны анықталған», – деп хабарлады ҚМА.

Жалпы Маха.dxb 35-тен астам блогерді тартқан. Олардың қатарында Instagram желісінде екі миллионнан астам жазылушысы бар миллиондық аудиториялы блогер Қамза да болған. ҚМА мәліметінше, Қамза қазақстандықтарды тыйым салынған құмар ойындарға қасақана тартқан. Блогер казиноларға апаратын реферальды сілтемелерді орналастырып, әрбір өткен адам үшін сыйақы алған.

Оқи отырыңыз: 

• 30 миллион теңгеге денесіне жарнама салуды ұсынған Махмуд Хикматовқа іздеу жарияланды
• Денесінен көгерген іздер көрдім: Ашыбұлақта әйелдің өліміне қатысты тың деректер шықты