Қамшыбек Тәшиев мемлекеттік төңкеріс жасау әрекетіне қатысты апелляциялық шағым түсірді

Қырғызстан Ұлттық қауіпсіздік мемлекеттік комитетінің бұрынғы төрағасы Қамшыбек Тәшиев мемлекеттік төңкеріс жасауға әрекет ету ісі бойынша өзіне шығарылған үкімге апелляциялық шағым түсірді, деп хабарлайды Orda.kz.        

Қырғызстанның 24.kg басылымының мәліметінше, «75-тің хаты» деп аталатын іс бойынша үкімге Тәшиевтің адвокаты Икрамидин Айтқұлов шағым берген. Апелляция Бішкек қалалық сотына жолданған, оны қарау шамамен екі айға созылады.

Бұған дейін Бішкек соты Қамшыбек Тәшиевті «75-тің хаты» ісі бойынша кінәлі деп таныған болатын. Оған мүлкін тәркілеумен қатар төрт жылға бас бостандығынан айыру жазасы тағайындалды. Алайда сот оны жазасын өтеуден босатып, үш жылдық пробациялық бақылау белгіледі.

Іс бір топ бұрынғы жоғары лауазымды шенеуніктер, депутаттар мен қоғам қайраткерлері қол қойған үндеуге байланысты. Құжат авторлары Қырғызстан президенті Садыр Жапаровтан елде мерзімінен бұрын президент сайлауын өткізуді сұраған.

Аталған іс бойынша бұрынғы бас прокурор Кұрманкул Зулушев, Жогорку Кеңештің экс-спикері Нұрланбек Тұргынбек уулу және хатқа қол қойған тағы бес адам да сотталған.

Еске салайық, жуырда Қырғызстанда келесі президент сайлауының күні жарияланды. Ол 2027 жылғы 27 қаңтарға жоспарланған. Тиісті жарлыққа ел президенті Садыр Жапаров қол қойды.

Оқи отырыңыз:

• «75-тің хаты»: Қырғызстанда Қамшыбек Тәшиев пен жақтастарына сот үкімі шықты
• Қамшыбек Тәшиев мемлекеттік төңкеріс жасамақшы болған: Экс-ҰҚК төрағасына ресми түрде айып тағылды
• Қамшыбек Тәшиев қырғыз халқынан кешірім сұрады