«75-тің хаты»: Қырғызстанда Қамшыбек Тәшиев пен жақтастарына сот үкімі шықты

Қырғызстанның Мемлекеттік ұлттық қауіпсіздік комитетінің бұрынғы басшысы Қамшыбек Тәшиевке сот үкімі шығып, оған төрт жыл мерзімге пробациялық бақылау белгіленді, деп хабарлайды Orda.kz.       

Ташиевке билікті күшпен басып алуға дайындалды және қызметтік өкілеттігін асыра пайдаланды деген айып тағылған болатын.

Онымен бірге іс бойынша айыпталғандар қатарында бұрынғы бас прокурор Құрманкұл Зулушев, Жогорку Кенештің экс-спикері Нұрланбек Тұргұнбек уулу, сондай-ақ Тәшиевтің жақтастары Бекболот Талғарбеков, Аалы Қарашев, Эмиль Ұзақбаев, Кұрсан Асанов және Кұрманбек Дыйканбаев бар. Олардың барлығына да төрт жыл мерзімге пробациялық бақылау тағайындалды.

Сот үкіміне сәйкес, айыпталушылардың әрқайсысы төрт жылға бас бостандығынан айырылғанымен, жаза шартты түрде пробациямен алмастырылды. Егер олар пробациялық бақылау талаптарын бұзса, қамауға алынуы мүмкін.

Айта кетейік, бұған дейін мемлекеттік айыптаушы барлық айыпталушыларды тоғыз жылға бас бостандығынан айыруды сұраған болатын.

Қамшыбек Тәшиев Қырғызстан президенті Садыр Жапаровтың жақын серігі саналып, соңғы бес жыл ішінде елдегі ең ықпалды тұлғалардың бірі ретінде танылған.

Айыпталушылар тағылған айыптарды мойындамайды. Тәшиев бұған дейін МҰҚК басшысы қызметінде жүріп, Садыр Жапаровты қолдайтынын және өзі президенттік сайлауға қатыспайтынын мәлімдеген.

Оқи отырыңыз:

• «75 ісі»: Қамшыбек Тәшиевке тоғыз жыл түрме жазасы сұралды
• Қамшыбек Тәшиев мемлекеттік төңкеріс жасамақшы болған: Экс-ҰҚК төрағасына ресми түрде айып тағылды
• Қамшыбек Тәшиев қырғыз халқынан кешірім сұрады