Кәмелетке толмаған төрт жасөспірім терроризм туралы жалған хабарлама үшін ұсталды

14 пен 17 жас аралығындағы төрт кәмелетке толмаған жасөспірім терроризм туралы жалған хабар таратып, ұзақ уақыт бойы республика аумағындағы жағдайды тұрақсыздандырған, деп хабарлайды  Orda.kz.       

ҚР ІІМ Киберқылмысқа қарсы іс-қимыл департаментінің бастығы Жандос Сүйінбай жасөспірімдердің ұсталғанын мәлімдеді.

«Бүгінгі таңда олардың Астана, Шымкент, Тараз, Атырау, Ақтау қалаларында және Алматы облысында жалған хабар туралы 20-дан астам дерекке қатысы бары анықталды. Қылмыстық істерді тергеу жалғасуда және қатаң бақылауда. Осы орайда ата-аналарға ескерту жасағым келеді. Сваттинг — ермек емес, ол 14 жастан бастап қылмыстық жауапкершілік қарастырылған ауыр қылмыс. Бұл үшін 5 жылға дейін бас бостандығынан айыру немесе 5 мың АЕК-ке дейін айыппұл (21 миллион 625 мың теңге) көзделген», — деді ол.

Оның айтуынша, сонымен қатар оқиға орнына босқа әуре болып барған жедел қызметтердің шығындарын өтеу де қарастырылған. Оның ішінде полиция, өрт сөндіру қызметі және жедел жәрдем бар.

Оқи отырыңыз:

• Forbes жариялаған Қазақстандағы 44 жасқа дейінгі ең бай сегіз бизнесмен кім?
• Трамп пен Си Цзиньпин Бейжіңде келіссөз өткізді
• ДДСҰ хантавирустың андтық штаммының сегіз жағдайын растады