Семейде гараждан 150 келіден астам марихуана тәркіленді

Семейде гараждан 150 келіден астам марихуана тәркіленді, деп хабарлайды Orda.kz.

Семей қаласының 35 жастағы тұрғынының гаражынан сатуға дайындалған, ірі қаптарға салынған 154 келі марихуана табылды, деп хабарлады ішкі істер министрлігінің баспасөз қызметі.

«Тергеу аясында жүргізілген тінту шаралары барысында күдіктілердің бірі — 35 жастағы жергілікті тұрғынның гаражынан аса ірі көлемдегі марихуана партиясы тәркіленді. Жалпы салмағы 154 келі болатын есірткі заттары Абай облысы аумағында тарату үшін үлкен целлофан қаптарға оралған» деп жазылған хабарламада.

Ведомство мәліметінше, Қылмыстық кодекстің 297-бабы 3-бөлігі бойынша сотқа дейінгі тергеу аясында есірткінің заңсыз айналымына қатысы бар барлық тұлғаларды анықтау және ұстау шаралары жүргізіліп жатыр. Күдікті уақытша ұстау изоляторына қамалды.

Оқи отырыңыз:

• ОСК: Қазақстанда жақын арада электронды дауыс беру енгізілмейді
• Қызылорда облысына жаңа әкім тағайындалды