Экс-депутат Базарбек қағып кеткен адамның жағдайы белгілі болды

Жамбыл облысында экс-депутат Бақытжан Базарбек қағып кеткен ер адам комада жатыр. Жәбірленушінің жағдайы аса ауыр, ол жасанды тыныс алу аппаратына қосылған, деп хабарлайды Orda.kz Казинформға сілтеме жасап.

Дәрігерлер ер адамға ауыр бас-ми жарақаты, қабырғалары мен оң аяғының сынуы, екі жақты гемопневмоторакс және II–III дәрежелі жарақаттық шок диагнозын қойған.

Бұған дейінгі полицияның мәліметінше, Toyota көлігінің жүргізушісі жолдың жүріс бөлігінде болған ер адамды қағып кеткен. Қазір Т. Рысқұлов аудандық полициясы қылмыстық іс бойынша тергеу жүргізіп жатыр. 

Еске сала кетейік, 15 тамызда Жамбыл облысындағы тасжолда Мәжіліс депутаты Бақытжан Базарбек адам қағып кетті деген ақпарат тараған еді. Полиция оқиғаны растағанымен, жүргізушінің аты-жөнін ресми түрде жарияламады. Бейресми мәлімет бойынша, жолда мал қағылып, бірнеше адам оның өлексесін жолдан алып жатқан кезде олардың бірін көлік қағып кеткен.

Оқи отырыңыз:

Бақытжан Базарбек Жамбыл облысында адам қағып кетті ме? Полиция не дейді?

«Бұл арандату емес»: Бақытжан Базарбектің туыстары жол апаты туралы пікір білдірді

Жаңатоған ауылының тұрғындары өртпен өздері күресіп жатыр: Бір адам ауыр жараланды