«Бұл арандату емес»: Бақытжан Базарбектің туыстары жол апаты туралы пікір білдірді

Бұл ретте болған оқиға «арандату» деген ақпарат шындыққа жанаспайды. Біздің дереккөздеріміздің мәліметінше, жол-көлік оқиғасы расымен болған. Жол апатының болғанын Жамбыл облысының полиция департаменті де растады. Құқық қорғау органдары қылмыстық іс қозғап, оқиғаның барлық мән-жайын анықтап жатыр, деп хабарлайды Orda.kz. 

Еске салар болсақ,15 тамыз, сенбі күні VIII шақырылымның Мәжіліс депутаты Бақытжан Базарбек Жамбыл облысындағы тасжолда адам қағып кетті деген ақпарат тарады. Жәбірленуші жансақтау бөлімінде жатыр.

Жамбыл облысының полиция департаменті жол апатының болғанын растады. Алайда жүргізушінің аты-жөні ресми түрде жарияланған жоқ.

Жол-көлік оқиғасы бойынша қылмыстық іс қозғалды.

«Алдын ала ақпарат бойынша, Toyota маркалы автокөліктің жүргізушісі, Б. есімді азамат жолдың жүру бөлігінде тұрған ер адамды қағып кеткен. Жол-көлік оқиғасы салдарынан зардап шеккен адам аудандық орталық аурухананың жансақтау бөліміне жатқызылды»,  деп хабарлады полиция.

Қазір құқық қорғау органдары болған оқиғаның барлық мән-жайын анықтап жатыр.

Бейресми ақпарат бойынша, жол апатына дейін басқа көлік сиырды қағып кеткен. Бірнеше ер адам малдың өлексесін жолдан алып тастау үшін тасжолға шыққан. Солардың бірі Toyota көлігінің астында қалған. Көлікті, болжам бойынша, Базарбек басқарған.

Бұған дейін зардап шеккен ер адамның туыстары оның жағдайы өте ауыр екенін және аппаратқа қосылғанын хабарлаған. Олардың айтуынша, отбасында бес бала қалды.

Туыстарының айтуынша, Бақытжан Базарбек жауапкершіліктен жалтармайтынын айтып, зардап шеккен адамға және оның отбасына толық көмек көрсетуге дайын екенін мәлімдеген.

Оқи отырыңыз: 

• «15 млн теңге бер, әйтпесе қылмыстық жауапкершілікке тартамыз»: Түркістанда жалған ҚМА қызметкерлері ұсталды
• Жаңатоған ауылының тұрғындары өртпен өздері күресіп жатыр: Бір адам ауыр жараланды