Израиль - Иран қақтығысы: Дубайдан шыға алмай қалған қазақстандықтар үйлеріне оралады

Алматыға FlyDubai әуе компаниясының 13 маусымда Дубайдан ұша алмаған ішінде қазақстандықтар бар екі рейсі қонды. Таяу Шығыстағы жағдайдың шиеленісуіне байланысты бірнеше авиакомпания рейстерді тоқтатқан болатын, деп хабарлайды Orda.kz.

Қазақстанның Азаматтық авиация комитетінің шешімі бойынша Иран, Израиль, Сирия, Ирак, Иордания және Ливан үстінен ұшуға ерекше өкімге дейін тыйым салынған. Сондықтан да FlyDubai ұшақтарының екеуі де осы елдерді айналып өтіп, жолаушыларды Алматыға 2:45 және 6: 19-да аман-есен жеткізді. Ұшақта 332 адам, оның ішінде 13 маусымда ұшып кете алмағандар және басқа да жолаушылар болды.

Дубайдан шыға алмай қалғандар «Туристік Қамқор» қорына кіретін туроператорлар есебінен уақытша қонақ үйлерге орналастырылды. Қазір оларды қайтару бойынша жұмыстар жүріп жатыр, кейбір адамдар түнгі рейстермен ұшып келді.

Израиль мен Иранның қақтығысы туралы соңғы жаңалықтарды  мына жерден оқи аласыздар.

Жақында Таяу шығыстағы қақтығыстарға байланысты Біріккен Араб Әмірліктерінің мемлекеттік әуе компаниясы Flydubai бірқатар бағыттар бойынша, оның ішінде ТМД елдеріне ұшуларды уақытша тоқтатты.

Қазақстанның Авиациялық комитеті Иран, Израиль, Сирия, Ирак, Иордания және Ливан мемлекеттерінің әуе кеңістігі үстінде, шегінде және маңында ұшуларға арнайы бұйрық шыққанға дейін толық тыйым енгізді.

13-нен 14 маусымға қараған түні біздің еліміздің алты азаматы Ираннан Әзірбайжан шекарасындағы «Астара» өткізу пункті арқылы өтті.