Қазақстан алты елдің үстімен ұшуға тыйым салды

Қазақстанның Авиациялық комитеті Иран, Израиль, Сирия, Ирак, Иордания және Ливан мемлекеттерінің әуе кеңістігі үстінде, шегінде және маңында ұшуларға арнайы бұйрық шыққанға дейін толық тыйым енгізеді, деп хабарлайды Orda.kz  Қазақстанның Азаматтық авиация комитетіне сілтеме жасап.

Бұл шешім Таяу Шығыста қалыптасқан жағдайға және азаматтық авиация қауіпсіздігіне төнген жоғары деңгейдегі қатерге байланысты қабылданды.

«Бұл нұсқау қазақстандық әуе кемелерін пайдаланушылардың барлық тұрақты және тұрақсыз жолаушылар, жүк және техникалық рейстеріне қолданылады. Бұл хабар белгілі болған сәттен бастап күшіне енеді және міндетті түрде орындалуы тиіс», деп хабарлады ведомство. 

Бұған дейін Қазақстан әуе компаниялары Израиль соққыларынан кейін Иран мен Ирак аумағын айналып ұша бастаған. 

Қазақстанның Сыртқы істер министрлігі қақтығысты саяси-дипломатиялық жолмен тез арада реттеуді қолдайтыны туралы ресми мәлімдемеде жасады.