Францияның бас бапкері Дидье Дешам кетті, орнына Зинедин Зидан келе ме?

Дидье Дешам 2026 жылғы әлем чемпионатынан кейін Франция ұлттық құрамасы бас бапкері қызметінен кетеді. Бұл туралы елдің Франция футбол федерациясы Х әлеуметтік желісінде мәлімдеді, деп хабарлайды Orda.kz.

Хабарламада Дешамның ресми түрде бірнеше күннен кейін қызметінен кететіні айтылған.

«Кейбір мансаптар тұтас бір елдің тарихына мәңгі енеді. Дешамның үлесі тек 185 матч пен 120 жеңіспен ғана шектелмейді. Ол командаға жеңіске ұмтылу мен жауапкершілік мәдениетін сіңірді, бұл болашақ ұрпақ үшін бағдар болып қалады. Ол құраманың көптеген ойыншыларының жолының ашылуына көмектесті, футболшылардың әртүрлі буындарын ортақ құндылықтар төңірегіне біріктіріп, ұлттық команда мен француз халқы арасындағы ерекше байланысты нығайтты» деп жазылған  мәлімдемеде.

Франция футбол федерациясы Дидье Дешамға көпжылдық еңбегі үшін алғыс білдірді.

Айта кетейік, Англия құрамасы 2026 жылғы футболдан әлем чемпионатында Францияны 6:4 есебімен жеңіп, қола жүлдегер атанды.

Бұған дейін кейбір БАҚ Зинедин Зидан әлем чемпионатынан кейін Франция құрамасының бас бапкері қызметіне Дешамның орнына келуі мүмкін екенін хабарлаған. Оның Реал Мадрид клубын Алонсо орнына басқарудан бас тартуын да осы ықтимал тағайындаумен байланыстырған болатын.

Сондай-ақ жуырда беделді спорт журналисі Фабрицио Романо Франция құрамасының әлем чемпионаты жартылай финалындағы сәтсіздігінен кейін бас бапкер қызметін аты аңызға айналған Зинедин Зидан атқаратынын хабарлады.

Оқи отырыңыз:

• ӘЧ-2026: Мбаппе ең үздік шабуылшы атанып, Мессиден асып түсті
• Венгрия президенті өзін қызметтен кетіретін түзетуге қол қойды
• Қатты ыстықтан Қазақстанның үш облысындағы жол бұзылды