Қатты ыстықтан Қазақстанның үш облысындағы жол бұзылды

Шыжыған ыстықтан Қазақстанда цемент-бетон жабыны бар жолдарға зақым келіп, жол төсемінің жағдайы әр күн сайын тексеріліп жатыр, деп хабарлайды Orda.kz.       

Жоспарлы тексерулер барысында Жамбыл облысы, Павлодар облысы және Түркістан облысы аумақтарында температуралық деформацияға ұшыраған алты учаске анықталды. Бұл туралы ҚазАвтоЖол мәліметінен белгілі болды.

Анықталған орындарға бірден жол жөндеу бригадалары мен арнайы техника жіберіліп, барлық зақымданған учаскелер қалпына келтірілді.

Қазіргі уақытта жол қызметі күшейтілген режимде жұмыс істеп жатыр. Қатты ыстық кезінде бетон жабынының температурасы +60…+70 °C және одан да жоғары деңгейге дейін қызуы мүмкін. Соның салдарынан плиталарда үлкен кернеу пайда болып, жарылып кетуі мүмкін.

18 шілдедегі жағдай бойынша, 1 636,5 шақырым жол тұрақты бақылауға алынған. Республикалық маңызы бар цемент-бетон жолдарды мониторингтеу тәулік бойы жалғасуда.

Оқи отырыңыз:

• +42 градусқа дейін: Алматы аптап ыстықпен аэрация арқылы күресіп жатыр
• Бір түнде 14 рет: Мексика жағалауында 7,4 балдық күшті жер сілкінісі болды
• Air Astana-дағы миллиардтық ұрлық: Апелляция үкімді өзгертпеді