ӘЧ-2026: Мбаппе ең үздік шабуылшы атанып, Мессиден асып түсті

Килиан Мбаппе әлем чемпионаттары тарихындағы ең үздік шабуылшы атанды. Бұл туралы Франция мен Англия құрамалары арасындағы үшінші орын үшін өткен матчтан кейін белгілі болды, деп хабарлайды Orda.kz.       

Ойын барысында Франция құрамасы шабуылшысы 66-минутта дубль жасап, әлем чемпионаттарындағы 22-голын соқты.

Осылайша, ол Лионель Мессидің көрсеткішінен асып түсті. Аргентина құрамасының шабуылшысы әлем чемпионаттарында 21 гол соққан.

Қазіргі есеп – 3:4, әзірге Англия құрамасы алда. Франция – Англия арасындағы үшінші орын үшін матч 19 шілдеде Қазақстан уақыты бойынша сағат 00:00-де басталды.

Кездесу тікелей эфирде Qazsport және Qazaqstan телеарналарында, сондай-ақ олардың сайттарында көрсетілуде.

Бұған дейін Франция құрамасының аңызы және мадридтік Реал Мадрид клубының бұрынғы ойыншысы Зинедин Зидан ұлттық құраманың бас бапкері болатыны хабарланған еді.

Сондай-ақ 2026 жылғы әлем чемпионатының қола жүлдесі үшін өткен матчта Англия мен Франция құрамалары нәтижелі әрі тартысты ойын көрсетіп, ағылшындар жеңіске жетті.

Англия мен Франция қола жүлде үшін нәтижелі матч өткізді. 18 шілдеден 19 шілдеге қараған түні өткен 2026 жылғы әлем чемпионатының үшінші орын үшін матчында Англия құрамасы Франция құрамасын 4:3 есебімен жеңді.

Бұған дейін плей-офф кезеңінде англиялықтар ДР Конго құрамасын 2:1 есебімен ұтып, кейін Мексика құрамасын 3:2 есебімен жеңіп, ширек финалға жолдама алған болатын.

Оқи отырыңыз:

• ӘЧ-2026: Чемпионат финалы билетінің құны белгілі болды
• ӘЧ-2026: Тарихта алғаш рет әлемнің ТОП-4 құрамасы жартылай финалда
• ӘЧ-2026: Матчтан кейінгі саяси дау — «Фолкленд аралдары – Аргентинаға тиесілі»