Венгрия президенті өзін қызметтен кетіретін түзетуге қол қойды

Тамаш Шуйок Венгрия Конституциясындағы өзінің қызметтен кетуіне жол ашатын түзетуге қол қойып бекітті. Бұл туралы ол 18 шілде, сенбі күні Facebook желісіндегі видеоүндеуінде мәлімдеді, деп хабарлайды Orda.kz Deutsche Welle-ге сілтеме жасап.

Өз үндеуінде венгр саясаткері аталған түзетумен келіспейтініне қарамастан, оған қол қойғанын айтты.

«Заң – мен үшін бәрінің негізі», – деп түсіндірді ол өзіне оппозициялық парламенттің шешімін. 

Шуйок бұл түзету «болашақ ұрпақ үшін саяси билікті теріс пайдаланудың ауыр әрі ұят тарихи мысалдары ретінде қалатын зорлықпен шешілген «гордиев түйіндерінің» қатарына қосылуы мүмкін» екенін атап өтті. Сондай-ақ сөзінің соңында ол президент енді «тежегіш немесе тепе-теңдік сақтаушы фактор болудан қалады» деді.

«Өз сенімі мен ақиқатына берік адам зорлық-зомбылыққа бармайды, өзгелерді қорламайды және олардың қадір-қасиетін таптамайды. Қандай жағдай болса да адам болып қалу, адамгершілікті сақтау, өзіңе және шындыққа адал болу – таңдалуға тиіс жалғыз жол деп сенемін. Бізді біріктіретін құндылықтарды бағалайық! Венгрияны сүйейік!» – деді ол, Венгрияның бұрынғы премьер-министрі Виктор Орбанның серіктесі ретінде. 

13 шілдеде Венгрия парламенті президентті қызметінен шеттетуге мүмкіндік беретін конституциялық түзетуді мақұлдады. Петер Мадьяр ұсынған бастаманы 199 депутаттың 139-ы қолдады, ал алтауы қарсы дауыс берді. Фидес партиясының депутаттары дауыс беруді бойкоттады.

Айта кетейік, Венгрия президентін жай ғана парламент дауыс беруі арқылы қызметінен босату мүмкін емес. Ол үшін Конституцияға өзгеріс енгізу қажет. Мұны парламентте үштен екі көпшілікке ие билеуші Тиса партиясы жүзеге асырды.

Оқи отырыңыз:

• Жаңа заңмен бекітті: Виктор Орбан Венгрия үкіметін қайта басқара алмайды
• Венгрияда 16 жылдық билік құлады: Орбан неге жеңілді?
• «Бізді соғысқа шатуға жол бермейміз»: Венгрия екі украин тыңшысын қуып жіберді