Францияда хантавирус індетін жұқтырған алғашқы жағдай белгілі болды
Фото: ДДСҰ
MV Hondius кемесінде болған Франция азаматының хантавирус жұқтырғаны ПТР-тест арқылы расталды. Бұған дейін дәл осы кемеде аталған індеттің өршігені анықталып, кемені арнайы медициналық жасақ қарсы алып, жолаушылардың барлығы өз елдеріне жөнелтілген болатын, деп хабарлайды Orda.kz
Бұл туралы Францияның денсаулық сақтау министрі Стефани Рист мәлімдегенін елдің басылымдары жазды.
«Бұл әйел круиздік лайнерде болған, кеше оралды. Түнде жағдайы нашарлап, хантавирусқа тест нәтижесі оң болып шықты», – деді Рист.
Министрдің айтуынша, қазіргі уақытта науқас жұқпалы ауруларға мамандандырылған ауруханада ем қабылдап жатыр.
Бұл – Францияда хантавирус жұқтырудың алғашқы тіркелген жағдайы. Ел билігі әйелмен байланыста болған 22 адамды анықтады. Үкіметтің баспасөз хатшысы Мод Брежонның айтуынша, індеттің әрі қарай таралуына жол бермеу үшін «барынша қатаң шаралар» қабылданып жатыр.
«Тағы да қайталап айтқым келеді: дүрбелеңге бой алдырмау керек. Соңғы жылдары бастан өткерген жағдайларды ескерсек, қорқыныштың болуы түсінікті», – деді ол.
Бұған дейін MV Hondius кемесінен түсірілген Францияның бес азаматы отырған ұшақ Париж маңындағы Ле-Бурже әуежайына қонған. Олардың төртеуінің ПТР-тест нәтижесі теріс болған.
Өлімге әкелуі мүмкін хантавирус індеті Нидерландқа тиесілі MV Hondius круиздік лайнерінде тіркелген. Кеме Аргентинадан Кабо-Вердеге бағыт алған. Дүниежүзілік денсаулық сақтау ұйымы жеті адамнан инфекция анықталғанын растады, олардың үшеуі қайтыс болған. Өткен жексенбіде кеме Канар аралдарындағы Тенерифе жағалауына жеткен.
Бұған дейін Испанияда және Атлант мұхитының оңтүстігіндегі Тристан-да-Кунья архипелагында хантавирус жұқтырудың екі ықтимал жағдайы анықталғаны хабарланған.
Дүйсенбі күні MV Hondius кемесінен эвакуацияланған америкалық азаматтан да хантавирус расталды. Ал Польшада бір адам осы вирусқа күдікпен санитарлық бақылауға алынған.
Еске салсақ, хантавирус өршіген MV Hondius деп аталатын 147 адам мінген саяхаттауға арналған кеме Испанияның Тенерифе аралына тоқтап, жолаушылар эвакуацияланды. Хантавирус ошағына айналған лайнердегі жолаушылар өз елдеріне тарады.
Сонымен қатар ДДСҰ басшысы Тедрос Адханом Гебрейесус Тенерифедегі хантавирус өршіген кемені эвакуациялауды жеке бақылауға алатынын айтты. Тедрос Адханом Гебрейесус 140 адамды Hondius кемесінен эвакуациялау процесін бақылау үшін Тенерифеге келуге уәде берді.
Оқи отырыңыз:
Жаңалықтар
- Астанада іске қосылардан бұрын LRT жүйесінің қалай жұмыс істейтіні таныстырылды
- Қордайда полиция қызметкерлерін қорлаған адамға айыппұл салынды
- Кәрім Мәсімовтің бұрынғы күйеу баласы Азамат Қапенов қазақстандықтарға мәлімдеме арнады
- Каспий таязданды, итбалықтар қырылды. Себебі неде?
- Алматы хантавирус жұқтырудың ықтимал жағдайларына дайын — СЭБД
- «Қазмырыш» зауытындағы жарылыстан зардап шеккен адам ауруханада қайтыс болды
- Елдегі экономикалық қылмыс жасағандар «масқара тақтасына» ілінеді
- Құлауға шақ қалған мұнара: Самарқандтағы Ұлықбек медресесін қазақтар бұзған ба?
- НАТО-ның экс-бас хатшысы АҚШ-сыз жаңа демократиялық одақ құруға шақырды
- Шамалғандағы мектепте жасөспірім мұғалімді ұрып тастады
- Шымкентте колонияда жатып бюджеттен 1,3 миллиард қаражат жымқырған әйел әшкере болды
- 2027 жылы Астанада үстел теннисінен Әлем чемпионаты өтеді
- Ким Чен Ын өзі қайтыс болған жағдайда ядролық соққы жасауды заңдастырды
- Көкшетауда көлікпен әйелді жаншып өткен оқиғаға қатысты екі қылмыстық іс қозғалды
- Алматыда бір тәулік ішінде рекордтық жауын жауды
- Тоқаев: Ядролық қарусыздану мен жаппай қырып-жоятын қаруды таратпауда күш біріктіру маңызды
- ҚР СІМ: Түркияда қазақ тапқан велосипедші Қырғызстан азаматы
- Нетаньяху Ормуз бұғазы жағдайын дұрыс бағаламағандарын мойындады
- Францияда хантавирус індетін жұқтырған алғашқы жағдай белгілі болды
- Түркияда велосипед мінген қазақстандықты такси қағып, қаза тапты
