ДДСҰ басшысы хантавирус өршіген кемені эвакуациялауды жеке бақылайды

Дүниежүзілік денсаулық сақтау ұйымы басшысы Тедрос Адханом Гебрейесус Тенерифедегі хантавирус өршіген кемені эвакуациялауды жеке бақылауға алады, деп хабарлайды Orda.kz.       

Тедрос Адханом Гебрейесус 140 адамды Hondius кемесінен эвакуациялау процесін бақылау үшін Тенерифеге келеді. Кемеде Анд штаммындағы хантавирус өршіп, салдарынан үш адам қаза тапты, тағы алты адам вирус жұқтыруы мүмкін.

Қазіргі уақытта белгілері жоқ жолаушылар жағалауға оқшаулау режимінде өнеркәсіптік порт арқылы жеткізіліп, бірден өз елдеріне жіберіледі.

Аймақтық билік кемеге тек зәкір тастап тұруға рұқсат берді, адамдарды әуежайға тасымалдау қайық пен арнайы көлік арқылы ұйымдастырылады.

Екі күн бұрын Германияға MV Hondius кемесіндегі хантавирус індеті тіркелген жолаушы жеткізілді. Оны дәрігерлер мен полицейлерден құралған топ алып жүрді.      

65 жастағы неміс әйелі медициналық тексеруден өту үшін Дюссельдорф университетінің ауруханасына жатқызылды. Одан хантавирус белгілері анықталған жоқ, алайда ол Hondius кемесіндегі жұқтырған жолаушымен байланыста болған.

Нидерландтың MV Hondius кемесінің бортында хантавирус анықталғаннан кейін, 6 мамырға қарай үш адам қайтыс болды. Олар Нидерландтан келген ерлі-зайыпты мен Германияның Пассау қаласының 78 жастағы тұрғыны.

ДДСҰ мәліметінше, жұқтырудың сегіз жағдайы тіркелген, соның ішінде бес зертханалық расталған және үш болжамды. Линдмайер бір каютада бірге тұру инфекцияның таралуына әкелмегенін, бұл оның адамнан адамға таралу қабілетінің шектелгенін тағы да көрсетіп отырғанын атап өтті.

Оқи отырыңыз:

• MV Hondius кемесінде хантавирус індетін «жұқтырған» жолаушы Германияға жеткізілді
• Хантавирус: Бұл қандай ауру, белгілері қандай?
• Қытайдың екі экс-қорғаныс министрі өлім жазасына кесілді