Хантавирус ошағына айналған лайнердегі жолаушылар өз елдеріне тарады
Фото: Шетелдік БАҚ-тардан
Хантавирус өршіген MV Hondius деп аталатын 147 адам мінген саяхаттауға арналған кеме Испанияның Тенерифе аралына тоқтап, жолаушылар эвакуацияланды, деп хабарлайды Orda.kz.
Зәкір тастап тұрған лайнерден жолаушылар шағын қайықтар арқылы жағалауға жеткізіліп, кейін автобуспен әуежайға, одан әрі өз елдеріне қайтарылды.
Испанияның денсаулық сақтау министрі Моника Гарсия бірнеше ел қатысқан репатриация операциясы «жоспарға сай» өткенін мәлімдеді. 2026 жылғы 10 мамырда эвакуацияның алғашқы күні кемеден 19 елден келген 94 жолаушы шығарылды. 11 мамырда тағы бір топты жөнелту жоспарланып отыр.
АҚШ билігінің мәліметінше, эвакуацияланған 17 америкалықтың бірінде «Андес» штаммына тапсырылған тест әлсіз оң нәтиже көрсеткен. Тағы бір жолаушыда аурудың жеңіл белгілері байқалады. Екеуі де АҚШ-тың Небраска штатындағы медициналық орталыққа жеткізілу кезінде ұшақтың оқшауланған бөлігінде болған.
Жолаушыларды түсірмес бұрын кемеге медициналық топтар көтеріліп, тексеру жүргізген.
Өткен айда Аргентина елінен басталған круизден бері хантавирусқа қатысты үш адамның қаза тапқаны белгілі. Бұған дейін бірнеше жолаушы ем алу үшін эвакуацияланған.
Хантавирус – сирек кездесетін ауру, ол әдетте ауруы бар кеміргіштердің зәрі немесе нәжісі арқылы жұғады.
Дүниежүзілік денсаулық сақтау ұйымының басшысы Тедрос Адханом Гебрейесус бұл вирус «тағы бір COVID-19 емес» деп, халық үшін қауіп деңгейі төмен екенін айтты.
Өз азаматтарын эвакуациялау үшін АҚШ, Испания, Франция, Канада, Ирландия, Нидерланды және басқа елдер авиация тартты. 11 мамыр, дүйсенбі күні қалған жолаушыларды Австралия мен Нидерландыға жіберу жоспарланып отыр.
Эвакуация аяқталған соң лайнер бортында қалған экипаж мүшелерімен бірге Роттердам қаласына бет алады. Oceanwide туристік компаниясының мәліметінше, кеме келгеннен кейін толықтай дезинфекциядан өтеді.
ДДСҰ дерегінше, MV Hondius лайнерінде хантавирус өршігеннен кейін де халық денсаулығына төнетін қауіп деңгейі жоғары емес.
Кеше ғана Дүниежүзілік денсаулық сақтау ұйымы басшысы Тедрос Адханом Гебрейесус Тенерифедегі хантавирус өршіген кемені эвакуациялауды жеке бақылауға алатынын мәлімдеген болатын.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
