Енді атыраулықтар Ташкентке тікелей ұша алады

Өзбекстандық әуекомпания Uzbek Airways 29 наурыздан бастап Ташкент – Атырау арасында әуеқатынасын ашады, деп хабарлайды Orda.kz.

Көлік министрлігі мәліметінше, Airbus A320 ұшағымен екі қала арасындағы ұшақ аптасына 2 рет (дүйсенбі және жұма) ұшады. Министрлік жаңа әуе қатынасының ашылуының алдында Қазақстан мен Өзбекстанның авиациялық билігі арасында 2025 жылғы 14 тамызда өткен келіссөздер болғанын атап өтті. Келіссөздер аясында екі ел арасындағы халықаралық рейстерді орындау үшін құқықтық базаны одан әрі кеңейту туралы уағдаласты.

«Келіссөздер барысында екі ел арасындағы халықаралық рейстерді орындау үшін құқықтық базаны одан әрі кеңейту туралы уағдаластыққа қол жеткізілді. Әуе қатынасының ашылуы елдер арасындағы іскерлік, сауда-экономикалық және туристік ынтымақтастықты одан әрі нығайтуға ықпал етеді», деп хабарлады министрлік. 

Оқи отырыңыз:

• Соғыс басталғалы бері Ормуз бұғазынан алғашқы Ирак танкері өтті
• Полиция Шахтинск қаласындағы өртке кінәліні ұстады
• Трамп Иранмен уақытша бітімге келді: Соғыс 5 күнге тоқтады