Елдегі жанармай талан-таражға түспейді: Ресеймен шекарада бақылау күшейтілді
Фото: ҚМА
Ресейдегі жанармай нарығындағы дүрбелеңге байланысты Қазақстанның Энергетика министрлігі елде жанар-жағармай тапшылығы туындауына қатысты қаупі жоқ екенін мәлімдеді. Сонымен қатар, шекарадағы өткізу бекеттерінде бақылау күшейтілді, деп хабарлайды Orda.kz.
Министрліктің мәліметінше, ішкі нарықта жазғы және туристік маусымда тұтынушыларды тұрақты әрі үздіксіз қамтамасыз етуге жеткілікті көлемде мұнай өнімдерінің қоры қалыптастырылған.
«Жалпы резерв көлемі 1,1 миллион тоннадан асады. Оның ішінде АИ-92 және АИ-95 маркалы бензин, сондай-ақ дизель отыны бар. Бұл қорлар тұрақты түрде мұнай өңдеу зауыттарының қазіргі өндірісі есебінен толықтырылып отырады», деп мәлімдеді Энергетика министрлігі.
Сондай-ақ министрлік 21 қарашаға дейін автокөлік және теміржол көлігі арқылы мұнай өнімдерінің жекелеген түрлерін экспорттауға уақытша шектеу енгізілгенін еске салды.
«Бұдан бөлек, көлік құралдарына мемлекеттік шекараны тәулігіне бір реттен артық кесіп өтуіне шектеу қойылған. 20 маусымнан бастап өткізу бекеттерінде бақылау күшейтілді. Бұл жұмысқа Ұлттық қауіпсіздік комитеті, Ішкі істер министрлігі, Мемлекеттік кірістер комитеті және Қаржылық мониторинг агенттігінің бөлімшелері тартылған», деп хабарлады министрлік.
Ел ішіндегі жағдайды облыс әкімдіктері, Мемлекеттік кірістер департаменттері, Қаржылық мониторинг агенттігі және Бәсекелестікті қорғау және дамыту агенттігінің аумақтық департаменттері де бақылауда ұстап отыр.
«Қазіргі уақытта олар күшейтілген нысаналы тексерулер жүргізуде. Мамандар жанармай құю бекеттеріндегі отын қорының жеткіліктілігін бақылап, жанар-жағармайды заңсыз әкету фактілерінің жолын кесуде және сатушылардың негізсіз әрекеттеріне жедел ден қоюда», деп түсіндірді Энергетика министрлігі.
Министрлік өкілдері Қазақстанда автокөлік отынының бөлшек сауда бағасы мемлекет тарапынан реттелмейтінін, оның тек нарықтық қағидаттар негізінде қалыптасатынын да еске салды.
Оқи отырыңыз:
Жаңалықтар
- Жаһандық экологияға қауіп: Оман мен Иран жағалауындағы мұнай төгінділері
- Қарағанды облысында табиғи өртті сөндіру жұмыстары жалғасуда
- Каньэ Уэст: Алматылықтар күткен әлемдік шоу
- Үкімет Қашағанның 10,7 млрд долларлық келісімшарты бойынша жемқорлық болғанын мәлімдеді
- Иран Трамптың Ормуз бұғазын АҚШ-тікі деп жариялау жоспарына жауап берді
- ДСМ балаларға стоматологиялық көмек қолжетімділігін шынайы қамтамасыз етуді тапсырды
- 17 жыл бойы Еуропада қашып жүрген «Кинг-Конг» лақап аты бар қылмыскер сотталды
- Канье Уэсттің Алматыдағы концертінде қазақ тілі неге ескерілмеді?
- WBO Жәнібек Әлімханұлының дисквалификациясын тоқтатты, ол енді титулға үміткер
- Индонезияда магнитудасы 7,7 болатын күшті жер сілкінісі болды: Қаза тапқандар бар
- Алматыдағы блэкаут: Қала көшелерінде 1300-ден астам заңбұзушылық болды
- Түркістан облысындағы жанармай бекетінде бензин таситын 10 тонналық көлік өртенді
- Дастан Сәтбаев жаңа маусымда «Бернли» сапында ойнайды
- Алматыда бағдаршамдар іске қосылып, метро жұмысын қайта бастады
- Канье Уэсттің концерті 15 тамызға ауыстырылды
- Қазақстандағы электр желісіндегі ақауға не себеп болды? KEGOC жауабы
- Шымкентте бұрынғы күйеуі әйелдің бетіне қышқыл шашып, күйдіріп тастады: Оқиғаның мән-жайы
- «Баланың басынан таяқпен ұрған»: Бейімдеу орталығының маманы балаларға қатыгездік көрсеткен
- Ана мен бала өлімі азайды: Қазақстан медицинасының жаңа көрсеткіштері
- 20 адам зардап шегіп, 45 млн теңгеден астам шығын келтірген алаяқ әйел сотталды
