ҚДТ жақтастары қаңтардағы оқиғаға қатысты жауапқа тартылды

Қазақстанда тыйым салынған «ҚДТ» және «Көше» (экстремистік деп танылған) ұйымдарының жақтастары қаңтар оқиғасына қатысты жауапқа тартылды.

Осылайша, Шымкентте ҚДТ-ның үш жақтаушысы қаңтар оқиғасына қатысқаны үшін үш жылға сотталды. Бұл туралы Орталық коммуникациялар қызметінде өткен брифингте Бас прокуратураның бірінші басшысының орынбасары Елдос Қилымжанов мәлімдеді.

Қилымжановтың айтуынша, олар тәртіпсіздіктерге қатысқан.

«Шымкентте сот үкімі бойынша тыйым салынған ұйымның үш жақтаушысы үш жылға бас бостандығынан айырылды. Олар жаппай тәртіпсіздіктерге қатысуға шақырып қана қойған жоқ. Сонымен бірге қиратулар және мемлекет мүлкін бүлдірумен бірге қалалық әкімшілік ғимаратына шабуыл жасады» деді Қилымжанов Орталық коммуникациялар қызметінде өткен брифингте.

Сонымен қатар, тергеудің екі аптасында терроризм актісі бойынша қозғалған қылмыстық істердің саны 32-ге дейін өсті. Ішкі істер органдарының тергеушілері арқылы 381 қылмыстық іс қозғалып, 10 күдікті қамауда отыр.

Бүгінгі күні қаңтардағы қиратуларға қатысқан 83 қазақстандық нақты мерзімге бас бостандығынан айырылды.

2000-нан астам қару әлі де қылмыскерлердің қолында.