Бекболат Тілеухан: Қайрат Сатыбалды президентке айтып, мені депутаттыққа өткізді

Мәжілістің бұрынғы депутаты Бекболат Тілеухан журналист Аман Тасығанға берген сұхбатында Нұрсұлтан Назарбаевтың немере інісі Қайрат Сатыбалдының өміріне тигізген ықпалы жайлы айтып берді, деп хабарлайды Orda.kz.       

Оның сөзінше, ұлттық спортты дамытуға үлес қосқан Сатыбалды оның саяси мансабына да тікелей жол ашып, экс-президентке ұсыну арқылы депутат мандатын алуына себепкер болған. Сонымен қатар, Тілеухан одан көрген материалдық қолдауын да жасырмады. Баспана салатын жер телімі мен астындағы көлікті де Сатыбалды сыйлағанын мойындады.

Тілеухан кезінде жақсылық жасап, талай мешіт салған досын қазір сырттай жамандауды ар санайтынын, дастарқандас болған адамнан теріс айналу отбасы алдында да үлкен ұят екенін баса айтты.

Еске салайық, ірі көлемде қаржы жымқырды деп сотталған Қайрат Сатыбалды мемлекетке 700 млрд теңгеден астам мүлік пен активтерді қайтарып, 2024 жылдың тамызында бас бостандығын шектеу жазасына ауыстырылып, түрмеден шыққан еді.

Оқи отырыңыз:

• Жағымпаздар «Отан» атауына «Нұр» сөзін қосып, Назарбаевты орға жықты – Бекболат Тілеухан
• Иран АҚШ пен Израиль кемелерінің Ормуз бұғазы арқылы өтуіне тыйым салмақшы