Астанада сынақтан өткен әуетаксидің алғашқы жолаушысы — министр
Астанада бортында жолаушысы бар ұшқышсыз жолаушылар әуетаксиінің демонстрациялық ұшуы көрсетілді. Бұл туралы Orda.kz ҚР Азаматтық авиация комитетіне сілтеме жасап хабарлайды.
Алғашқы жолаушы ретінде ұшаққа Көлік министрі Нұрлан Сауранбаев отырды. Демонстрациялық ұшу елордадағы арнайы рұқсат етілген аумақ үстінде жүзеге асырылды. Іс-шараға қатысушылар ұшқышсыз жолаушылар әуе жүйелерінің мүмкіндіктерін нақты жағдайда көре алды.
EH216-S — тік ұшып-қонатын (eVTOL) сериялық электрлі әуе аппараты. Ол екі жолаушыны тасымалдауға арналған, сағатына 130 шақырымға дейін жылдамдықпен ұша алады және 35 шақырымға дейінгі қашықтықты еңсереді.
Көлік министрлігінің мәліметінше, алғашқы кезеңде Қазақстанның табиғи, мәдени және тарихи нысандары үстінен ұзақтығы 5-тен 30 минутқа дейінгі демонстрациялық және туристік бағыттарды іске қосу жоспарланып отыр. Болашақта мұндай аппараттар қалалық көлік жүйесінің бір бөлігіне айналып, қолданыстағы көлік түрлерін толықтыруы мүмкін.
Жолаушылар тасымалынан бөлек, ұшқышсыз әуе жүйелерін жедел медициналық көмек көрсету, дәрі-дәрмек жеткізу, өрт сөндіру және логистика салаларында пайдалану көзделіп отыр.
Сондай-ақ жоба аясында халықаралық әріптестік негізінде Қазақстанда жолаушыларға арналған ұшқышсыз әуе аппараттарын өндіруді жергіліктендіру қарастырылған. Бұл жоғары технологиялық машина жасау саласын дамытуға, жаңа жұмыс орындарын ашуға және өнеркәсіптік кооперацияны кеңейтуге мүмкіндік береді.
Министрлікте атап өткендей, eVTOL әуе кемелерін пайдалану, вертипорттардың жұмысы және ұшқышсыз әуе қозғалысын басқару жүйесін реттейтін заңнамалық өзгерістер қабылданған. Бұл қалалық әуе мобильдігін елдің көлік жүйесіне қауіпсіз енгізуге жағдай жасайды.
Айта кетейік, бұған дейін 24 шілдеде Астанада әуетаксиінің алғашқы демонстрациялық ұшуы өткен болатын.
Оқи отырыңыз:
Жаңалықтар
- Қазақстан футбол құрамасының жаңа бапкері кім?
- Астанада сынақтан өткен әуетаксидің алғашқы жолаушысы — министр
- 30 миллион теңгеге денесіне жарнама салуды ұсынған Махмуд Хикматовқа іздеу жарияланды
- Бекболат Тілеухан: Қайрат Сатыбалды президентке айтып, мені депутаттыққа өткізді
- Жағымпаздар «Отан» атауына «Нұр» сөзін қосып, Назарбаевты орға жықты – Бекболат Тілеухан
- Трамптың «Бейбітшілік кеңесі» Газаға арналған алғашқы келісімді әскери нысан салудан бастайды
- Иран АҚШ пен Израиль кемелерінің Ормуз бұғазы арқылы өтуіне тыйым салмақшы
- Блогер Қайсар Қамза Вьетнамнан Қазақстанға экстрадицияланды: Істің жай-жапсары
- Трамп АҚШ-тың келесі президенті ретінде кімді лайық көретінін айтты
- Илон Масктың зымыраны Айға құлап, 30 метрлік кратер пайда болды
- Велокурьер қағып, қашып кеткен: 12 жастағы қыздың жақ сүйегі сынып, тістері түсіп қалған
- Автотұрақ ережелері өзгерді: Алматыда тұратын көлік иесі нені білуі қажет?
- Чемпиондар лигасы: «Түркістан Арена» тарихи матчқа дайын ба?
- Нұрайға қатысты «72 рет пышақ сұғар едім» деген пікір жазған адам анықталып, хаттама толтырылды
- «Байден ұқсап құлап қалмасын»: Невададағы Трамптың әзілі мемге айналды
- 100 миллион теңгеден астам ақша иемденген күдікті Грузиядан Қазақстанға экстрадицияланды
- Димаштың түрік тіліндегі жаңа әні iTunes хит-парадтарында бірінші орында тұр
- Бишімбаевтың анасы бұрынғы келінінен 25 млн теңге өндіріп алмақ
- Медициналық сақтандыру бойынша 4,5 млрд теңгеге қатысты заңбұзушылық сотқа жолданды
- Еліміздің мектептерінде жасанды интеллект қалай оқытылады?
