Депутаттар қандай түйткілді сауал көтеріп жатыр?

Қазақстан депутаттары (парламент және мәслихат) қазіргі уақытта елдегі әлеуметтік-экономикалық мәселелерді шешуге бағытталған бірқатар бастамалар мен ұсыныстар айтып жатыр, деп хабарлайды Orda.kz.      

Қазақстан Парламенті Мәжілісінің жалпы отырысында сыбайлас жемқорлыққа қарсы іс-қимыл мәселелері бойынша заң жобалары екінші оқылымда қабылданды. 

Жалпы «халық қалаулылары» жұрттың әлеуметтік осал топтарына қолдау көрсету, зейнетақы мен жәрдемақыларды арттыру, білім беру және денсаулық сақтау сапасын жақсарту сияқты жағдайларға мән беріп тұрады.

Мәжіліс депутаты Ринат Зайыт жүргізуші куәлігін алуда жемқорлық туралы айтты. 

«300 мың теңге айналасында ма? Емтиханнан өту. Екі рет тапсыра алмайды сосын үшінсінінде ақша беріп өтуге мәжбүр болады. Міне осы жерде жатыр жемқорлықта, мәжбүрлеу де»,—дейді депутат. 

Ал, мәжіліс депутаты Мақсат Толықбай ішкі істер министрлігінің өкіліне автомектептердегі жемқорлық және заңсыз ақша айналымы мәселесі бойынша сауал қойды. Ол бұл қаражат шетелдегі бір азаматтың қалтасына түсетінін айтты.

Депутаттың айтуынша, жүргізуші куәлігін аларда азаматтардан заңда қарастырылмаған қосымша төлемдер жиналып, жылына жиналатын қаражат 5-6 миллиардқа жетеді екен.

Айдос Сарым пара ұсыну, уәде ету немесе талап ету деген әрекеттер қылмысқа жатқызылсын деп отыр.

Заң жобаларын пысықтау барысында жұмыс тобы 50-ден астам отырыс өткізіп, бастапқы нұсқаны айтарлықтай кеңейткен. Егер алғашқы нұсқада 4 кодекс пен 5 заңға өзгеріс енгізу көзделсе, қазіргі таңда 5 кодекс пен 30-дан астам заңға түзетулер енгізілмек.

Бұл өзгерістер 2022–2026 жылдарға арналған сыбайлас жемқорлыққа қарсы саясат тұжырымдамасын іске асырудың маңызды кезеңі.

Оқи отырыңыз:

• Құрылтай депутаттары ақырын басып, анық айтатын болды
• Депутаттар заң жобасын таныстырды:  Мұғалімнің оқушылар үшін жауапкершілігі азайды
• Қырғыз депутаты Қамшыбек Тәшиевтің мемлекеттік төңкеріс жасамақшы болғанын айтты