Бұрынғы қазақстандық, қазір Германиядағы блогер Шаханов пен қазақ елін қорлады

Бұрын алматылық болған, қазір Германия Федеративтік Республикасында тұратын Владислав Рихтер деген біреу TikTok-тағы видеожазбасы арқылы Шахановтың атына көше беру туралы петицияға айдалада отырып «басын ауыртып» отыр, деп хабарлайды  Orda.kz.      

 Ол «mambethologe» деген бүркеншік атпен Розыбакиев көшесінің атауын Мұхтар Шахановтың құрметіне өзгертуге қарсы бейәдеп сөздермен пікір білдірді. Рихтер марқұм ақынды «ревизионист» деп атап, Желтоқсан оқиғасына қатысушыларды «бандиттер» деді, осылайша ол желтоқсаншы қаһармандарды ақтауды іс жүзінде «ұлтшылдықты»  ақтаумен теңестірді.

Заңгер Мейірман Шекеев блогерді ұлтаралық араздық қоздырғаны үшін жауапқа тартуды талап етіп отыр. Ол Қазақстан мен Германияның құқық қорғау органдарына ұсыну үшін дәлелдер жинап, мұндай мәлімдемелер бүкіл ұлттың ар-намысына тиеді деп есептейді.

Көше атауын өзгерту туралы петиция 2026 жылғы 19 сәуірде Шаханов қайтыс болғаннан кейін пайда болды, алайда әкімдікте заң бойынша бұл рәсім тек бес жылдан кейін ғана мүмкін екенін түсіндірді. 

Айта кетейік, Рихтердің қызметіне бұған дейін де оның шовинистік мәлімдемелеріне байланысты Германияның киберполициясы қызығушылық танытқан екен.

Дегенмен қолданыстағы заңнамаға сәйкес, белгілі бір тұлғаның есімін көше атауына беру үшін оның қайтыс болғанына кемінде 5 жыл өтуі тиіс.

Оқи отырыңыз:

• Алматыдағы Розыбакиев көшесіне Шаханов есімін беру ұсынылды
• Қазақ поэзиясының қара нары — Мұхтар Шаханов туған топырағына жерленді
• Алматыда Розыбакиев көшесін Мұхтар Шахановтың атына беруге петиция жарияланды