«Бурабай» балалар спорт мектебінде жүргізілген аудит 6,3 млн теңгенің заңбұзушылығын анықтады

Қаржы министрлігі  ішкі мемлекеттік аудит комитетіне қарасты Ақмола облысы бойынша ішкі мемлекеттік аудит департаменті жүргізген тексеру қорытындыларын жариялады, деп хабарлайды  Orda.kz.      

Тексеру нысаны Көкшетау қаласындағы «Бурабай» мамандандырылған балалар-жасөспірімдер спорт мектебі». Аудиторлардың мәліметінше, мекемеде жалпы сомасы 6,3 миллион теңге болатын қаржылық заңбұзушылықтар анықталған. Негізгі ескертулердің бірі мемлекеттік мүлікті тиімсіз пайдалануға қатысты.

Тексеру барысында мұз аренасы қызметі хоккей федерациясына негізсіз төмендетілген тарифпен берілгені анықталды. Бұл тариф бекітілген тізбе мен жеңілдік алуға құқығы бар азаматтар санатына сәйкес келмеген.

Жалақы есептеуде де заңбұзушылықтар тіркелген. Жекелеген лауазымды тұлғаларға олардың қызметтік нұсқаулықтарында көзделмеген міндеттерді орындағаны үшін үстемақы төленген.

Мемлекеттік сатып алу бойынша да бірқатар мәселе ашылған. Атап айтқанда, санитарлық тораптар мен жекпе-жек залына жүргізілген жөндеу жұмыстары бойынша нақты орындалғаны расталмаған жұмыстар мен тауарларға төлем жасалған.

Сонымен қатар аудит 1 255,66 мың теңге болатын рәсімдік сипаттағы заңбұзушылықтарды анықтады. Атап айтқанда, қауіпсіздік қызметі басшысының міндетті жоғары білімі болмаған, бұл біліктілік талаптарына сай келмейді.  

Оқи отырыңыз:

• Алматыда жаңа мектептің қазақ тілінде ашылуын талап еткен мұғалім қамауға алынды
• 3,5 млрд теңгеге салынған мектеп қирауға шақ тұр
• Биылғы оқу жылында Алматыда 22,5 мың оқушыға арналған 12 жаңа мектеп ашылады