Нора Джеруто Қытайда өткен Азия чемпионатында Қазақстанға «алтын» әкелді

Нора Джеруто Қытайда өткен Азия чемпионатында Қазақстан құрамасына алтын медаль алып келді, деп хабарлайды Orda.kz Ұлттық олимпиада комитетінің (ҰОК) баспасөз қызметіне сілтеп.

«Қытайдың Тяньцзинь қаласында өтіп жатқан жабық кешендегі жеңіл атлетикадан Азия чемпионатында Қазақстан құрамасы екінші алтын медалін жеңіп алды. Тұғырдың ең биік сатысына Нора Джеруто көтерілді. Спортшы 3000 метрге жүгіруде ең үздік нәтиже көрсетті» деп жазылған хабарламада. 

Айта кетейік, жеңіл атлет спорттық қашықтықты 8 минут 46,87 секундта бағындырды. Екінші орынға жапониялық Нодзоми Танака (8:48.22) ие болды. Үздік үштікті қытайлық Ло Ся (9:16.18) түйіндеді.

«Бұған дейін Джеруто 1500 метр қашықтықта үшінші орын алған болатын. Ал Алина Чистякова бессайыста алтын медаль жеңіп алды», деп қосты ҰОК өкілдері

Еске салсақ, Қазақстанның арнайы мақсаттағы бөлімдерінен құралған командалар Дубай қаласында (БАӘ) өтіп жатқан халықаралық  UAE SWAT Challenge турнирінің алғашқы жарыс күнінде табысты өнер көрсетті. 

Оқи отырыңыз:

• Тоқаев Жапонияда қарлы боран салдарынан қаза тапқандарға көңіл айтты
• Еліміздің конькиші қыздары Олимпиада-2026 ойындарында үздік ондыққа енді
• Франция мен Канада Гренландияда консулдық ашты