Белфастта мыңдаған адам нәсілшілдікке қарсы наразылыққа шықты

15 маусым 2026 11:12 Ләззат Нұрсапақызы

Фото: Шетелдік БАҚ-тардан

«Together Against Hate» («Жеккөрушілікке бірге қарсы») ұранымен өткен митингті Unite Against Racism ұйымы Белфаст қаласының әкімшілік орталығындағы ратуша алдындағы алаңда ұйымдастырды, деп хабарлайды Orda.kz.

Солтүстік Ирландияның Белфаст қаласында наразылыққа қатысушылар «Біздің көшелерімізге төнген жалғыз қауіп – жеккөрушілік» және «Белфаст – нәсілшілдікке қарсы» деген жазуы бар плакаттар ұстап шықты.

Шара Солтүстік Белфаст ауданында пышақпен жасалған шабуылдан кейін болған иммиграцияға қарсы тәртіпсіздіктерге жауап ретінде өткізілді. Суданның 30 жастағы азаматына қатысты Солтүстік Ирландия полициясы кісі өлтіруге оқталу, қоғамдық орында пышақ алып жүру және адам өлтіремін деп қорқыту баптары бойынша айып тақты.

Шабуыл 8 маусым күні болған. Шамамен 40 жастағы ер адам зардап шегіп, көзінен, басынан және арқасынан ауыр жарақат алған. Полиция мәліметінше, оқиғаға араласқан кездейсоқ өтіп бара жатқан адамдар жараланған азаматтың өмірін сақтап қалған. Ал LBC радиостанциясының хабарлауынша, шабуыл жасаған адам жәбірленушінің басын кесуге әрекеттенген.

Баспана сұраушы судандық азамат 10 маусым күні Белфаст магистраттар сотының алдына келуі тиіс болған. Оқиғаның бейнежазбасы интернетте кең тарады.

Одан кейінгі тәртіпсіздіктер кезінде бетперде киген адамдар қоқыс жәшіктері мен автокөліктерді, бір автобусты өртеп жіберген және полиция қызметкерлеріне шабуыл жасаған.

Оқи отырыңыз:

Жаңалықтар

барлық жаңалықтар