Бакуде ресторанды өртеп, келген қонақтарды ғимарат ішіне қамап қойған

Екі ер адамның жанжалының соңы білдей ресторанның өртенуімен аяқталды, деп хабарлайды Orda.kz.

Төбелес кезінде олардың бірі ресторанға бензин құйып, өртеп жіберген және ол қонақтар шыға алмас үшін есікті сыртынан бекітіп тастаған.

«Адамдар асхана жағындағы қосалқы есік арқылы қашып құтылған. Өрт салдарынан бір адамның аяғы күйіп, ауруханаға жеткізілді. Қазіргі уақытта басқа зардап шеккендер туралы ақпарат түскен жоқ», деп мәлімдеді департамент.

Аталғандай, мейрамханаға 120 мың манат (70 мың АҚШ долларынан астам) көлемінде шығын келген. Келушілердің материалдық шығыны 20 мың манаттан (10 мың АҚШ долларынан астам) асады.

Осы факті бойынша екі күдікті ұсталды, тергеу жұмыстары жалғасып жатыр.

Оқи отырыңыз:

• Құлсарыда сыныптастарына балта ала жүгірген оқушы мектеп партасына оралды
• Шымкентте пәтерлердің бірінен 3 адамның денесі табылды
• Қазақстанда алаяқтық жасады деген күдікті түрік азаматы Черногориядан экстрадицияланды