Азия біріншілігінде еліміздің 4 боксшысы чемпион атанды

Біріккен Араб Әмірлігінің Дубай қаласында өтіп жатқан бокстан жастар мен жасөспірімдер арасындағы Азия біріншілігінде төрт қазақстандық спортшымыз чемпион атанды.

Финалда Дамир Байпақов ирактық Аббас Касимді жеңді. Қалған үшеуі өзбекстандық қарсыластарынан басымдық танытты. Төрехан Сабырхан Абдулло Мадаминовті, Адайбек Ниязбай Мироншох Норкосимовты, Бақтияр Анарбаев Далержон Бозоровты жеңді.

Алда 66 келіде Ислам Советов өзбекстандық Фазлиддин Эркинбоевпен, 81 келіде Мохаммед Аттиа-Хамед тағы бір өзбекстандық Сардорбек Турсуновпен шаршы алаңға шығады.

 Ал 81 келіден жоғары салмақта Ердос Шәріпбек үндістандық Бхарат Джоонмен бокстасады.