Қазақстанда киім бағасы қымбаттады: жоғарғы баға Алматыда тіркелді

Қазақстанда ерлер киімі қымбаттады, деп Orda.kz Energyprom.kz сарапшыларына сілтеме жасап хабарлады.

– Наурыз айының соңында сырт киім бағасы жылына 4,9 пайызға және айына 0,3 пайызға өсті. Оның ішінде ерлер киімі бес пайызға, әйелдер киімі 4,9 пайызға, балалар киімі 4,5 пайызға қымбаттады, - деп жазды сарапшылар.

2021 жылдың қаңтар-ақпанында ел компаниялары 7 млрд теңгеге киім шығарды. Бұл өткен жылмен салыстырғанда 24,1 пайызға артық. Өңірлік тұрғыдан алғанда, өндірілген өнімнің ең үлкен көлемі Алматы облысының үлесіне тиді. Көшті ары қарай Алматы қаласы мен Қарағанды ​​облысы жалғастырды.

– Қазақстандықтар жергілікті киімге сенім білдірмейді. Мысалы, 2020 жылдың қаңтарында трикотаж сыртқы киім өндірісінің өсуіне қарамастан, жергілікті компаниялар сұранысты шамалы ғана 0,6 пайызға қанағаттандыра алды. Импорттың үлесі сәйкесінше 99,4 пайызға дейін. Ел 934,8 мың өнімді импорттады, бұл 11,8 пайызға артық, - деді сарапшылар.