Погон таққан балуан қыз халықаралық жарыста І орын алды

Бішкекте өткен белбеу күресінен Қазақстан полицейі жеңіске жетті, деп хабарлайды Orda.kz.      

12 мемлекеттен 150-ден астам спортшы қатысқан байрақты бәсекеде +75 келі салмақ дәрежесінде Қызылорда облысы ПД жылдам қимылдайтын арнайы жасағының инспекторы, полиция капитаны Арайлым Оразбай жоғары шеберлік көрсетті.

Арайлым жарыс барысында Қырғыз, Иран, Жапон палуандарын сенімді түрде жеңіп, финалда Өзбекстан спортшысын 3:1 есебімен ұтып, жүлделі І орынды иеленді.

Осылайша ол екінші рет Азия чемпионы атанып, ел намысын абыроймен қорғады.

«ARLAN» клубының спортшысы алдағы уақытта да республикалық және халықаралық жарыстарда жоғары нәтиже көрсетіп, ішкі істер органдары қызметкерлерінің кәсіби дайындығы мен жауынгерлік рухын дәлелдей беретіні сөзсіз» деп жазылған ведомство таратқан хабарламада. 

Еске салсақ, бұған дейін Бас прокуратура құқық қорғау органдары қызметкерлерінің заңды талаптарына қарсы әрекет ету, әсіресе оларға күш қолдану қоғамдық құрылыстың негіздерін бұзып, ең қатаң жауапкершілікке әкелетінін ескерткен болатын.

Оқи отырыңыз:

• Нұрайдың шағымын елемеген полиция қызметкерлеріне қатысты қылмыстық іс қозғалды
• Алматыда бұрынғы полиция шенділеріне есірткі сатушыларға «қорған болды» деген айып тағылып, 12 адамға қатысты сот ісі басталды
• Алматы облысында полицейлер үйден күштеп шығару кезінде әйелдің қабырғасын сындырды