Вашингтондағы келіссөздер: Рубио мен Жұманғарин не туралы сөйлесті?

АҚШ Мемлекеттік хатшысы Марко Рубио Қазақстан Премьер-Министрінің орынбасары – ұлттық экономика министрі Серік Жұманғаринмен кездесу өткізді, деп хабарлайды Orda.kz.

Кездесуге сондай-ақ АҚШ-пен келіссөздер жөніндегі арнайы өкіл Ержан Қазыхан қатысты. Мемлекеттік департамент баспасөз қызметінің мәліметінше, тараптар экономикалық байланыстарды кеңейту және Қазақстанның өңірлік бастамалардағы рөлін талқылады. Сонымен қатар елдің бітімгершілік үдерістерге қатысуы да сөз болды.

Вашингтонда Астананың C5+1 дипломатиялық платформасындағы белсенділігі және Орталық Азиядағы ынтымақтастықты дамытуға қосқан үлесі атап өтілді.

«АҚШ Қазақстанның егемендігін, тәуелсіздігін және аумақтық тұтастығын қолдауға бұрынғыдай бейілді және стратегиялық әріптестікті одан әрі нығайтуды көздейді» деп жазылған хабарламада. 

Оқи отырыңыз:

• Қазақстан құқықтық көмек туралы конвенциядағы өзгерістерді ратификациялады
• Тоқаев Таяу Шығыстағы жағдайға қатысты БАӘ шейхына қолдау білдірді
• Погон таққан балуан қыз халықаралық жарыста І орын алды